МУИС-ийн ШУС-ийн Байгалийн ухаан салбар, Өвөр Монголын Их Сургуулийн Байгалийн ухааны сургууль (Inner Mongolia University, School of Life Science), Токиогийн Шинжлэх ухааны хүрээлэнгийн Байгалын ухаан, технологийн сургууль (Institute of Science Tokyo, School of Life Science and Technology)-ийн хооронд 2025.03.24-нд байгуулсан санамж бичгийн хүрээнд Биологийн тэнхимийн Биохими, Биотехнологийн хөтөлбөрийн зүгээс жил бүр эрдэм шинжилгээний хамтарсан хурал зохион байгуулах, ахисан түвшний оюутнуудын зуны зуны сургалт зохион байгуулах, судлаач эрдэмтэд солилцох ажлуудыг төлөвлөн хийж байна.
Энэхүү санамж бичгийн хүрээнд 2025.08.20-26-ны хооронд БНХАУ-ын Өвөр Монголын Их Сургууль дээр анхдугаар зуны сургалт, эрдэм шинжилгээний хурлыг зохион байгууллаа. Зуны сургалтад МУИС-ийн биохими, биотехнологи, нанотехнологийн ахисан түвшний хөтөлбөрийн 8 оюутан, “Life Science and biomedicine” сэдвийн хүрээнд зохион байгуулагдсан эрдэм шинжилгээний хуралд 3 орны эрдэмтдийн 16 илтгэл хэлэлцэгдлээ. Энэхүү зуны сургалт нь МУИС-ийн Ахисан түвшний оюутнуудын судалгааны чадавхыг сайжруулах, багш ажилтны хамтын ажиллагааг өргөжүүлэх, хамтарсан төсөл хөтөлбөр боловсруулах талаар санал бодлоо солилцоход ихээхэн ач холбогдолтой ажил боллоо. Ирэх жилийн зуны сургалт, эрдэм шинжилгээний хурал Монгол Улсад зохион байгуулагдана.
