МУИС-ийн 2025-2026 оны хичээлийн жилд шинээр элсэгчдэд зориулан сургалтын үйл ажиллагаа, орчин, оюутныг дэмжих үйлчилгээ, зөвлөгөө мэдээллийг танилцуулах зорилгоор “Чиглүүлэх долоо хоног”-ийг амжилттай зохион байгууллаа. “Чиглүүлэх долоо хоног”-ийг 2025 оны 26-29-ны хооронд чиглүүлэх сургалт, нээлттэй өдөрлөг гэсэн хэлбэрээр зохион байгуулав.
Чиглүүлэх сургалтын үеэр:
Сургалтын хөтөлбөр, бүртгэл үнэлгээ, Оюутны хөгжлийн үйлчилгээ, Номын сангийн танилцуулга, МУИС-ийн Оюутны биеийн тамирын хичээлийн зохион байгуулалт, МУИС-ийн оюутны ёс зүй, Оюутны холбооны танилцуулга мэдээллийг 2500 орчим оюутанд хүргэсэн байна.
Нээлттэй өдөрлөгийн үеэр:
- Сургалтын үйл ажиллагаа, сургалтын системийн танилцуулга
- Оюутны хөгжлийн үйлчилгээ, оюутны байгууллага, клуб, номын сан, МУИС брэнд дэлгүүрийн худалдаа, дотоод нэгжүүдийн танилцуулга зэрэг олон талын мэдээлэл шинэ элсэгчдэд хүргэлээ.
Мөн хамтрагч байгууллагуудын төлөөлөл оролцож, оюутанд зориулсан үйлчилгээгээ танилцуулан хүргэв. Үүнд:
- Голомт банк
- Монгол даатгал
- MCS
- Хаан банк
- Хас банк
- Худалдаа хөгжлийн банк
- Тод онош
- Тээвэр хөгжлийн банк
- Эрүүл мэндийн даатгалын ерөнхий газар
Хамтрагч байгууллагууд шинэ элсэгчдэд зориулан банкны данс, карт нээх, гэнэтийн ослын иж бүрэн даатгал, эрүүл мэндийн үзлэг болон бусад үйлчилгээг газар дээр нь хүргэв. Өдөрлөгийн хүрээнд нийт 500 гаруй оюутан шууд үйлчилгээ авч, суралцагчийн үнэмлэхээ гардан авлаа.
“Чиглүүлэх долоо хоног” нь оюутнуудад шинэ орчинд хурдан дасан зохицох, шаардлагатай мэдээлэл, үйлчилгээг нэг дороос авах боломжийг олгосон үр дүнтэй өдөрлөг боллоо.
