2013 оны 5 дугаар сарын 27-ны өдөр МУИС-ийн ГХХАХ, ГГС, Геоэкологи-Орчин судлалын тэнхим хамтран “Хөгжил ба Хүрээлэн буй орчин” сэдэвт семинарыг амжилттай зохион байгууллаа. Уг семинар нь хүрээлэн буй орчны судалгаа Монгол улс хэмжээнд ямархуу түвшинд байгаа болон МУИС-ийн Хүрээлэн буй орчин судлалын салбарын хөгжлийн чиг хандлага, түвшинг олон нийтэд таниулах, энэ чиглэлээр судалгаа хийдэг судлаачдын судалгааны үр дүнг олон нийтэд таниулах, бодлого боловсруулах түвшинд юуг анхаарах хэрэгтэй вэ? зэрэг олон зорилгыг агуулсан юм.
Семинарт МУИС-ийн эрдэмтэн, багш, судлаачид, оюутнуудаас гадна БОНХЯ, ШУА-ийн ГЗХ, ГЭХ, “Эко трейд” ХХК, “Экологийн судалгааны төв” ТББ зэрэг байгууллагуудын төлөөлөл оролцлоо. Семинарт “Агаарын РМ бохирдлын судалгаа”, “Хөрсний чанарын үнэлгээ”, “Голын сав газрын геоморфологийн загварчлал”, “Хүрээлэн буй орчны судалгааны түвшин, чиг хандлага”, “Усны нөөцийн экологийн эдийн засгийн судалгаа” зэрэг 10 орчим илтгэл тавигдаж хэлэлцэгдлээ.
Семинараас МУИС-ийн хэмжээнд сургууль дундын “Орчны судалгааны төв” байгуулах, Хүрээлэн буй орчны докторын сургалтын хөтөлбөрийг гаргаж батлуулах, цаашилбал МУ-ын Ерөнхийлөгчийн ивээл дор ч юм уу эсвэл Ерөнхий сайдын ивээл дор үйл ажиллагаагаа явуулдаг үндэсний хэмжээний ”Орчин судлалын хүрээлэн”-г байгуулах шаардлага бий болж буйг дүгнэлээ.
Мэдээлэл бэлтгэсэн: ГХХАХ-ийн мэргэжилтэн Д.Саранцэцэг
