ГАҮЛИ ХХК нь 2008 оноос хойш Монгол улсын үнэт цаасны зах зээл дээр мэрэгжлийн үйл ажиллагаа эрхэлж байгаа бөгөөд БНСУ-ын Dong In Forum-тай /Цэргийн генералиудын форум/ хамтран Dong In Forum-ийн нэрэмжит тэтгэлэгийг 2010 оноос эхлэн оюутнуудад сургалтын тэтгэлэг олгож ирсэн байна. ГАҮЛИ ХХК-ийн хувьд 2012 оноос эхлэн өөрийн нэрэмжит тэтгэлэгийг нэмж олгож эхэлсэн.
ГАҮЛИ ХХК 2013-2014 оны хичээлийн жилд МУИС-ийн хамгийн шилдэг оюутнуудаас шалгаруулан 4 оюутанд тэтгэлэг олгох бөгөөд дараахи шалгуурыг хангаж буй оюутнууд тус тэтгэлэгт хүсэлт гаргах боломжтой. Үүнд:
· МУИС-ийн бакалаврын түвшний 1-р ангийн оюутан байх
· Сурлагын голч оноо 3,5 буюу түүнээс дээш байх
· Өөр ямар нэгэн тэтгэлэгт хамрагдаагүй байх
Шаардлагатай бичиг баримтын жагсаалт:
· Тэтгэлэг хүссэн анкет 2 хувь GAULI SCHOLARSHIP APPLICATION FORM Photo
· Сурлагын тодорхойлолт СА-аар баталгаажуулсан тамга, гарын үсэгтэй байх
· Багш, профессорын тодорхойлолт
· Нийгмийн идэвхи, амжилтыг илтгэсэн бичиг баримтын хуулбар
· “Миний амьдрал-Миний ирээдүй” Эссэ 400-аас доош үгтэй
Уг тэтгэлэгт өргөдөл гаргагчдын материалыг 2014 оны 3 сарын 19-ний өдрийн 17.00 цаг хүртэл хүлээн авах бөгөөд хугацаанаас хойш өгсөн, дутуу, хуурамч материал хүлээн авахгүй.
Материал хүлээн авах газар: Оюутанд үйлчлэх төв /Хичээлийн 1-р байр 219 тоот/
Материал хүлээн авах эцсийн хугацаа: 3 сарын 19-ний өдрийн 17.00 цаг /Лхагва гараг/
Эцсийн сонгон шалгаруулалтыг GAULI ХХК хийнэ.
Оюутанд үйлчлэх төв
