МУИС-ийн Бизнесийн Сургуулийн Бизнес Консалтинг Төвөөс эдийн засаг, бизнесийн сэтгүүлчдэд зориулан “ЭДИЙН ЗАСАГ, БИЗНЕСИЙН СЕМИНАР” -ыг 4 өдөр дараалан амжилттай зохион байгууллаа.
МУИС-ийн Бизнесийн сургууль нь Монгол Улс дахь бизнесийн сэтгүүлзүйн хөгжилд хувь нэмрээ оруулах, тус салбарыг шинжлэх ухааны онол, судалгаа, шинжилгээнд үндэслэсэн байхад туслах, бизнесийн мэдээллийн урсгалд оролцох, сэтгүүлчидтэй хамтран ажиллах зорилгоор семинарыг зохион байгуулжээ.
Тус семинарт МУИС-ийн Бизнесийн сургуулийн шилдэг профессор, багш, судлаачид геополитик, геоэдийн засаг, орчин үеийн сэтгүүлзүйн хөгжил, чиг хандлага, эдийн засгийн өсөлт, төр, бизнесийн менежментийн тулгамдсан асуудлаар сүүлийн үеийн мэдлэг, мэдээллийг сэтгүүлчдэд түгээсэн юм.
Семинарт бизнесийн сэтгүүлзүйн нөлөө бүхий агентлагууд болох Форбес Монголиа, Mongolian Economy сэтгүүл, Business Radio 98.9, МҮОНРТ, Ийгл ТВ, Эх Орон ТВ, gogo.mn, ikon.mn мэдээллийн сайтууд, “Зууны Мэдээ” сонин болон бусад байгууллагуудын удирдах ажилтнууд, эдийн засаг, бизнесийн чиглэлийн сэтгүүлчид хамрагдлаа.
Семинар улирал бүр сэтгүүлзүй, олон улсын харилцаа, эдийн засаг, бизнесийн удирдлагын шинэлэг сэдвээр зохион байгуулагдаж байх юм.
МУИС-ийн Бизнесийн сургууль
