Монгол Улсад “Орчин цагийн харилцаа холбооны салбар үүсч хөгжсөний 94 жил”-ийн ой, “Олон Улсын цахилгаан холбооны байгууллага” байгуулагдсаны 150 жилийн ойн хүрээнд зохион байгуулагдаж буй Мэдээллийн технологи, шуудан, харилцаа холбооны салбар(МТШХХС)-ын спорт наадам 2015 оны тавдугаар сарын 15-аас 19-ний өдрүүдэд болж МУИС-ийн ХШУИС-ийн Сагсан бөмбөгийн эмэгтэй баг тамирчид Алт, ширээний теннисний төрөлд Ж.Энхбаяр Хүрэл медаль тус тус хүртлээ.
photo by Doogii
Энэхүү наадамд тус салбарын 25 багийн 600 гаруй тамирчид Хөл бөмбөг, Сагсан бөмбөг, Волейбол, Дартс, Ширээний теннис Шатар, Kибер спорт гэсэн төрлүүдээр өрсөлдөж шилдгүүдээ тодруулсан байна. МУИС-ийн ХШУИС нь энэ салбарт мэргэжилтэн бэлтгэн гаргадаг боловсролын байгууллага гэдэг утгаараа 2 дахь жилдээ оролцож байгаа билээ. Анхны жилдээ эмэгтэй Дартсын төрөлд Б.Наранчимэг Алтан медаль хүрсэн амжилтаа энэ жил давуулан биелүүлж, ирэх жил илүү амжилтыг үзүүлнэ гэдэг итгэлтэй байна. 
Тэмцээнд оролцсон ХШУИС-ийн нийт баг бүрэлдэхүүнд талархал илэрхийлье!
Тэмцээний талаарх дэлгэрэнгүйг эндээс үзнэ үү.
