Зорилго: Нээлттэй боловсролын нөөц эхүүдийг боловсролд хэрэглэх онол, арга зүй болон ЕБС, их дээд сургуулиудын сургалтанд ашиглах боломж, тэргүүн туршлагыг танилцуулж, түгээн дэлгэрүүлэх
Хамрагдах сэдэв: Хан академи, Геогебра, Гүүгэл сургалтын багц болон бусад нээлттэй эхүүдийг сургалтанд ашиглах онол, арга зvй, хэрэглээ
Хамрах хүрээ: ЕБС-ийн багш, Боловсрол судлалын чиглэлээр ажиллаж буй багш, судлаачид, суралцаж буй магистрант, докторант, багш бэлтгэх их дээд сургуулийн оюутан
Хаана: МУИС-ийн хичээлийн 1-р байр, Эрдмийн дугуй танхим
Хэзээ:
· 2015.12.01. Бүртгэл, илтгэлийн хураангуйг хүлээн авах
· 2015.12.15. Бүрэн хэмжээний өгүүллийг хүлээн авах
· 2016.01.14. 1300 цагаас Эрдэм шинжилгээний хурал болох
Зохион байгуулагчид:
БСШУЯ, Нээлттэй Мэдлэг Боловсролын Сан, МУИС, МУБИС, БМДИ, Боловсролын Хүрээлэн, Нээлттэй боловсролыг дэмжих төв
Шилдэг илтгэл:
- байр – 1 илтгэл – Таблет
- байр – 2 илтгэл – Хичээл бэлтгэх “Бамбуу” төхөөрөмж
- байр – 3 илтгэл – Үнэ бүхий зүйл
Шилдэг илтгэлүүдийг http://one.mn сайт дээр байршуулан нийтийн хvртээл болгоно.
Холбоо барих:
- Ц.Навчаа 99768070, ts.navchaa@one.mn
- Д.Түмэнбаяр 98103003, tumk_ii@yahoo.com
Холбоотой вэб хуудсууд:
- http://sas.num.edu.mn/
- http://one.mn/
- http://www.itpd.mn/
- http://www.msue.edu.mn/
- http://www.mier.mn/
- https://mn.khanacademy.org/
- https://www.facebook.com/groups/KhanAcademyMN
- http://www.smcs.num.edu.mn/geogebra
- https://www.facebook.com/GeogebraMNG
Хураангуй хүлээж авахад тавигдах шаардлага:
- Илтгэлийн нэр:
- Илтгэгчийн нэр:
- Ажлын хаяг:
- Мэргэжлийн чиглэл:
- Утасны дугаар:
- Мэйл хаяг:
Таны судалгааны ажлын хамгийн гол хураангуй товчилсон танилцуулга юм. Хураангуйг 150-250 үгэнд багтаан бичнэ. Хураангуйг дараах зааврын дагуу бичих:
- Судалгааны агуулгыг дурьдах
- Зорилго, арга, хамрах хүрээг оруулах (дүгнэлт, зөвлөмж, үр дүн биш)
- Уншигчдад сэдвийн агуулгыг танилцуулах, уншаад судалгааны үр дүнг ойлгохоор байх
- Тодорхойлолт гэх мэт шинэ мэдээлэл өгөхгүй байх
- Уншигчдад ойлгомжтой хэллэгээр бичих
Эрдэм шинжилгээний өгүүлэл нь дор дурдсан бүрэлдэхүүн хэсэгтэй байна. Үүнд:
- Өгүүллийн нэр (Title)
- Судлаачийн нэр, хаяг, байгууллагын мэдээлэл
- Хураангуй (Abstract)
- Удиртгал (Introduction)
- Арга зүй (Methodology)
- Үр дүн (Results)
- Дүгнэлт ба хэлэлцүүлэг
- Ашигласан ном, хэвлэл (References)
-Судлаачийн нэр, хаяг, байгууллагын мэдээллийн хэсэгт судлаачийн овог, нэр, цахим хаяг, байгууллагыг бичсэн байна. Цол, зэрэг, шагналыг бичихгүй.
-Хураангуйд асуудал, таамаглал, арга зүй, үр дүн, дүгнэлтийг багтаан бичнэ. Түлхүүр үгийг ялгасан байна.
-Удиртгал хэсэгт сэдвийг сонгох үндэслэл, судлах хэрэгцээ шаардлага, асуудал, таамаглалыг багтаасан эхлэл, өрнөл, төгсгөлтэй бичвэрээр илэрхийлсэн байна. Сэдвийн судлагдсан байдлыг энэ хэсэгт багтаан ишлэл, зүүлттэйгээр бичнэ.
-Аргазүй нь судалгааны арга, аргачлал, үйл ажиллагаа, алхам, процедур, өгөгдөл цуглуулсан аргыг багтаан илэрхийлсэн байна.
-Судалгаанаас гарах үр дүнг тоон болон чанарын шинжилгээний аргууд хэрэглэн нотолж баримтжуулсан байх ба судлаачийн хувийн үзэл бодлоос ангид байна.
-Дүгнэлт ба хэлэлцүүлэг нь судалгааны үр дүнд суурилсан, түүнээс мөрдсөн утга, санааны илэрхийлэл байна. Энэ хэсэгт судалгааны үр дүн, дүгнэлтийн онолын болон практик ач холбогдлыг дурдаж болно. Хэлэлцүүлэг нь судалгааны үр дүнгийн хамрах хүрээ, хил зааг, хязгаарыг тогтоосон үндэслэл бүхий эргэцүүлэл тул түүнийг учир шалтгаан үндэслэлтэйгээр илэрхийлсэн байвал зохино.
-Ашигласан материалын жагсаалтыг энд зааварласны дагуу хийнэ.
-Өгүүллийг өгсөн загварын дагуу бичнэ үү. загвар татаж авах
