(МУИС-ийн захирлын 2016 оны 03 дугаар сарын 03-ны өдрийн А/52 дугаар тушаалын хавсралтаар батлагдсан МУИС-ийн судалгааны санхүүжилтийн журмын хүрээнд)
Эрхэм хүндэт профессор багш Та бүхнийг доорх төслийн сонгон шалгаруулалт, судалгааны зардлыг санхүүжүүлэхэд шаардагдах баримт бичгийг бүрдүүлж ирүүлэхийг урьж байна:
- Залуу судлаачдын багийн грант
45 хүртэлх насны, 3-аас цөөнгүй залуу судлаачдаас бүрдсэн багт олгох нэг жилийн грантыг салбар дундын хамтарсан судалгааг дэмжих, нээлттэй, дундын ашиглалттай дэд бүтцийг бүрдүүлэх, багийн гишүүдийн судалгааны ажлын туршлага, судалгааны ажлын үр дүнгээр Journal Citation Reports-ын импакт фактор бүхий олон улсын сэтгүүлд өгүүлэл хэвлүүлэх, оюуны өмч бий болгох боломж, цаашид цогц судалгааг тогтмол хийх соёлыг төлөвшүүлэх, баг бүрдэх байдал зэргийг харгалзан олгоно. Монгол хэл шинжлэлтэй холбоотой залуу судлаачдын судалгааны ажлыг онцгойлон дэмжих бодлого баримтална.
Судалгааны багийн ахлагч нь докторын зэрэгтэй байх бөгөөд гишүүд нь докторын зэргээ хамгаалаагүй байж болно. Залуу судлаачдын салбар дундын багт олгох грантын хэмжээ 10 сая хүртэл төгрөг байна.
Төслийн саналаа 2016 оны 09 дүгээр сарын 01-ний өдрийн 18 цаг хүртэл https:// project.num.edu.mn цахим хаягаар “Залуу судлаачдын багийн грант II (2016.09.01 хүртэл санал хүлээж авна)” нэртэй ЗАХИАЛГА руу орон бүртгүүлж доорх загварыг ашиглан бичиж төслийн системд (төслийн саналын карт хэсэгт) хавсаргана уу.
Хүснэгт 1
ЗАЛУУ СУДЛААЧИЙН САЛБАР ДУНДЫН ГРАНТЫН КАРТ
| 1 | Судалгааны төслийн сэдэв | |
| 2 | Удирдагчийн нэр, эрдмийн зэрэг цол, харьяалал | |
| 3 | Гүйцэтгэгчдийн нэрс, эрдмийн зэрэг цол, харьяалал | |
| 4 | Судалгааны төсөл нь Монгол Улсын Их Сургуулийн судалгааны санхүүжилтийн журамд дурдсан шаардлагыг хэрхэн хангаж байгаа талаар тодорхой бичиж хавсаргах | |
| 5 | Нийт судалгааны зардлын зарцуулалтын төлөвлөгөө | |
| 6 | Ажлын календарьчилсан төлөвлөгөө | |
| 7 | Судалгааны ажлын хүлээгдэх үр дүн(Олон улсын импакт фактор бүхий сэтгүүлд хэвлүүлэх өгүүлэл, авах патент гэх мэт тодорхой бичих) |
Холбогдох утас/имэйл хаяг:
Грантын санхүүжилтийг цалин, ажлын хөлсөнд зарцуулахыг хориглох бөгөөд дараах зүйлд зарцуулахыг зөвшөөрнө. Үүнд:
- Олон улсын мэргэжлийн сэтгүүлд өгүүлэл хэвлүүлэх,
- Судалгааны тоног төхөөрөмж, материал, мэргэжлийн ном, сэтгүүл өгүүлэл, программ хангамж худалдан авах,
- Оюутанд ажлын хөлс, тэтгэлэг олгох (судалгааны ассистант байдлаар удаан хугацаанд тогтвортой ажиллуулахыг илүү дэмжинэ),
- Лабораторийн болон хээрийн судалгаанд зарцуулах.
2.Өндөр түвшний судалгааны төслийн санхүүжилт
Судалгааны ажлын үр дүнг Journal Citation Reports-ын импакт фактор бүхий олон улсын мэргэжлийн сэтгүүлд хэвлүүлэх, оюуны өмчийн хамгаалалт хийх, түүнийгээ үйлдвэрлэлд нэвтрүүлэх зорилго бүхий үндсэн орон тооны профессор багш, судлаачдын дэвшүүлсэн нэг жилийн өндөр түвшний төслийг сонгон шалгаруулж санхүүжүүлнэ. Өндөр түвшний судалгааны нэг төсөлд олгох санхүүжилтийн хэмжээ нь 20 сая хүртэл төгрөг байна.
Төсөл нь доорх шаардлагыг хангасан байна. Үүнд:
Journal Citation Reports-ын импакт фактор бүхий олон улсын сэтгүүлд нэгдүгээр болон холбоо барих зохиогчоор нэгээс доошгүй, хамтран зохиогчоор хоёроос доошгүй өгүүлэл хэвлүүлэх (хэвлэхээр зөвшөөрөгдсөн (accepted) өгүүллийг үр дүнд тооцож болно),
- МУИС-ийн нэр дээр оюуны өмч мэдүүлэх, эрхийн хамгаалалт хийлгэх,
- МУИС-ийн нэр дээр авсан оюуны өмчөө үйлдвэрлэлд нэвтрүүлэх, гарааны компани байгуулах нөхцлийг бүрдүүлэх,
- Өндөр түвшний төслийн зардлыг доор заасан хэлбэрээр зарцуулна. (цалин, ажлын хөлсөнд зарцуулахыг хориглоно). Үүнд:
- Олон улсын мэргэжлийн сэтгүүлд өгүүлэл хэвлүүлэх,
- Судалгааны тоног төхөөрөмж, материал, мэргэжлийн ном, сэтгүүл өгүүлэл, программ хангамж худалдан авах,
- Оюутанд ажлын хөлс, тэтгэлэг олгох (судалгааны ассистант байдлаар удаан хугацаанд тогтвортой ажиллуулахыг илүү дэмжинэ),
- Лабораторийн болон хээрийн судалгаанд зарцуулах.
Төслийн саналаа 2016 оны 09 дүгээр сарын 01-ний өдрийн 18 цаг хүртэл https:// project.num.edu.mn цахим хаягаар “Өндөр түвшний судалгааны төслийн санал II (2016.09.01 хүртэл санал хүлээж авна)” нэртэй ЗАХИАЛГА руу орон бүртгүүлж доорх загварыг ашиглан бичиж төслийн системд (төслийн саналын карт хэсэгт) хавсаргана уу.
Хүснэгт 2.
ӨНДӨР ТҮВШНИЙ СУДАЛГААНЫ ТӨСЛИЙН САНАЛЫН КАРТ
| 1 | Төслийн сэдэв | ||
| 2 | Төслийн нийт төсөв | ||
| 3 | Төслийн удирдагчийн нэр, эрдмийн зэрэг цол, харьяалал | ||
| 4 | Төслийн гүйцэтгэгчдийн нэрс, эрдмийн зэрэг цол, харьяалал(сүүлийн 5 жилд олон улсын импакт фактор бүхий сэтгүүлд хэвлүүлсэн, мэдүүлсэн болон эрхийн хамгаалалт хийгдсэн оюуны өмч зэрэг бүтээлийн жагсаалтыг хавсаргах) | ||
| 5 | Энэ төслийг хэрэгжүүлэх үндэслэл, шаардлага, ач холбогдол | ||
| 6 | Төслийн хүлээгдэх үр дүн, үр дүнгийн баталгаа(Олон улсын импакт фактор бүхий сэтгүүлд өгүүлэл хэвлүүлэх, МУИС-ийн нэр дээр оюуны өмч мэдүүлэх эсэх талаар тодорхой бичих) | ||
| 7 | Төслийн зардлын зарцуулалтын төлөвлөгөө | ||
| 8 | Ажлын календарьчилсан төлөвлөгөө (сараар) | ||
| Үр дүнгийн нөлөө, үр ашиг | |||
| 9 | Төслийн үр дүнгийн эдийн засаг/ эдийн засгийн бус үр ашиг | ||
| 10 | Төслийн хэрэгжилтэд саад болж болзошгүй эрсдэл, хүчин зүйл | ||
Холбогдох утас/имэйл хаяг:
Анхаарах зүйлс:
- Төслийн саналыг зөвхөн төслийн системээр авах бөгөөд хэвлэмэл хэлбэрээр болон имэйлээр авахгүй болно.
- Зөвхөн бүрэн гүйцэд бөглөсөн төслийг сонгон шалгаруулалтад оруулах учир төслөө бүрэн гүйцэд бөглөх шаардлагатай.
- Төсөл бүртгүүлэх талаархи гарын авлагыг төслийн систем http://project.num.edu.mn –н нүүр хуудсан дээрхи Гарын авлага хэсгээс үзэж танилцана уу.
- Төсөлд оролцогчид CV-гээ (Гишүүд цэсэнд) хавсаргана.
- Профессор багш нар өндөр түвшний судалгааны төсөл, залуу судлаачдын багийн грантын удирдагч, эсвэл гүйцэтгэгчээр жилд нэг л удаа оролцоно.
СИСТЕМТЭЙ ХОЛБООТОЙ АСУУДЛЫГ ДООРХ ХАЯГААР ТОДРУУЛНА УУ:
Утас: 89009066 И-мэйл хаяг: zoljargal@seas.num.edu.mn
Утас: 88751973 И-мэйл хаяг: khishigdelger@num.edu.mn
ЭРДЭМ ШИНЖИЛГЭЭ ИННОВАЦИЙН ХЭЛТЭС
Утас: 1140/1141, 99857713
И-мэйл хаяг: research@num.edu.mn
