Монгол Улсын Их Сургууль болон Хэнтий аймаг хоорондын хамтын ажиллагааны гэрээний хүрээнд 2018 оны 1 дүгээр сарын 9, 10-ны өдрүүдэд Хэнтий аймгийн ерөнхий боловсролын сургуулийн багш нарыг чадавхжуулах сургалтыг МУИС-ийн Дотоод хамтын ажиллагаа, олон нийттэй харилцах хэлтсээс Хэнтий аймгийн Засаг даргын Тамгын газар, Боловсрол, соёлын газар, УИХ-ын гишүүн Д.Гантулга нартай хамтран зохион байгууллаа.
Тус сургалтад Хэнтий аймгийн ерөнхий боловсролын 325 багш хамрагдсан бөгөөд хими, биологи, газар зүй, математик, физик, монгол хэл, бичиг, уран зохиол, англи хэл, бага боловсролын чиглэлээр МУИС-ийн 13 багш сургалтыг удирдан явуулав.
