Монгол Улсын Ерөнхий сайд У.Хүрэлсүхийн ивээл дор зохион байгуулж буй “Тогтвортой хөгжил-Дээд боловсрол” Улсын II зөвлөгөөний салбар хуралдаанууд өндөрлөлөө.
14.00 цагаас Хаалтын нэгдсэн хуралдаан эхэлж 5 салбар хуралдаанаас гарсан зөвлөмжүүдийг танилцуулан Зөвлөгөөний нэгдсэн зөвлөмжийн төслийг оролцогчдод танилцуулна.
“Дээд боловсрол-Засаглал, эрх зүй, санхүүжилт” салбар хуралдааны зөвлөмжийг ХААИС-ийн захирал Т.Хэрүүга, “Дээд боловсрол-Сургалтын хөтөлбөрийн шинэчлэл” салбар хуралдааны зөвлөмжийг ШУТИС-ийн профессор Н.Эрдэнэхүү, “Дээд боловсрол-Багшийн хөгжил” салбар хуралдааны зөвлөмжийг МУБИС-ийн захирал Д.Мандах, “Дээд боловсрол-Оюутны хөгжил” салбар хуралдааны зөвлөмжийг АШУҮИС-ийн захирал Г.Батбаатар, “Дээд боловсрол-Судалгаа, инноваци” салбар хуралдааны зөвлөмжийг МУИС-ийн профессор Ч.Лодойравсал нар танилцуулна.
Хаалтын нэгдсэн хуралдааныг http://zuvluguun.num.edu.mn цахим хуудсаар шууд дамжуулан үзүүлнэ.
