Монгол Улсын Оюутны аварга шалгаруулах тэмцээн спортын 14 төрлөөр 2018 оны 3 дугаар сарын 2-ноос эхлэн зохион байгуулагдаж байна.
Одоогийн байдлаар Волейбол, Сагсан бөмбөг, Жүдо, Чөлөөт бөх, Шатар гэсэн спортын 5 төрлийн тэмцээн явагдсанаас МУИС-ийн баг тамирчид Волейболын төрөлд багийн дүнгээр I байр Алтан медаль, Шатрын төрөлд багийн дүнгээр I байр Алтан медаль, Сагсан бөмбөгийн төрөлд багийн дүнгээр III байр эзэлж Хүрэл медаль хүртсэн бөгөөд нийт 3 алт, 3 мөнгө, 3 хүрэл медаль хүртсэн амжилттай явж байна.
Үүнд Жүдо бөхийн төрөлд БТТ-ийн багш Ж.Баньдхүү дасгалжуулагчтай Б.Мөнх-Алдар, Б.Одончимэд нар хос Хүрэл медаль, Шатрын төрөлд Б.Болд-Эрдэнэ дасгалжуулагчтай Бизнесийн сургуулийн оюутан Ү.Үүрийнтуяа, С.Билгүүн нар хос Алтан медаль, ОУХНУС-ийн оюутан С.Жаргалмаа, ШУС-НУС-ийн оюутан Б. Гарьдмагнай нар хос Мөнгөн медаль хүртлээ.
Волейболын тэмцээнд ахлах багш Э.Эрдэнэбилэг дасгалжуулагчтай эмэгтэй баг Алтан медаль, эрэгтэй баг Мөнгөн медаль, сагсан бөмбөгийн тэмцээнд Р.Гантулга дасгалжуулагчтай эмэгтэй баг Хүрэл медаль хүртлээ.
