МУИС, ШУС, БУС-ын Биологийн тэнхимийн Биотехнологийн хөтөлбөр, “Probe” биотехнологийн клубтэй хамтран их, дээд сургуулийн оюутнууд болон дунд сургуулийн төгсөх ангийн сурагчдын дунд зохион байгуулсан “БИОТЕХНОЛОГИ БИДНИЙ ИРЭЭДҮЙ-2018” сэдэвт биотехнологийн олимпиадыг 2018 оны 4 дүгээр сарын 14-ний өдөр амжилттай зохион байгууллаа.
Тус олимпиадад их, дээд сургууль, ЕБС-ийн ахлах ангийн нийт 116 оюутан, сурагч бүртгүүлснээс 104 оролцон өрсөлдсөн бөгөөд Тэргүүн байрт медаль, өргөмжлөл, 100 000₮, Хоёрдугаар байрт медаль, өргөмжлөл, 75 000₮, Гуравдугаар байрт медаль, өргөмжлөл, 50 000₮, Тусгай байрт өргөмжлөл 25 000 төгрөгөөр тус тус шагналаа. Үүнээс хоёрдугаар байр, гуравдугаар байр тус бүр нэг нэгийг нэмж бүртгэлийн хураамжаас үүсгэсэн сангаас медаль, өргөмжлөл, мөнгөн шагналыг санхүүжүүлэн шагнаж урамшууллаа.
1-р байр Э.Аръяа /МУИС/
2-р байр Б.Билгүүн /Болор ахлах сургууль/
2-р байр Ц.Туул /МУИС/
3-р байр Н.Нямгэрэл /МУИС/
3-р байр М.Мөнхлхагва / МУИС /
Тусгай байр Н.Буяннэмэх /Мон-Турк/
Тус олимпиадын сацуу “Монголын биотехнологийн өнөөгийн байдал, цаашдын чиг хандлага” сэдвийн хүрээнд илтгэл, лекц зохион байгуулсан бөгөөд уг арга хэмжээнд АУ-ы Доктор Ц.Билэгтсайхан /АШУҮИС-ийн харъяа цөм лаборатори/, БУ-ы Доктор Б.Цэрэндулам /ШУА-ийн ЕСБ Хүрээлэн, Генетикийн лабораторийн эрхлэгч/, БУ-ы Доктор Т.Оюунжаргал /Китами Технологийн Их Сургууль/ нар хүрэлцэн ирж оюутан сурагчдад сонирхолтой илтгэл хэлэлцүүлэн тэдний сонирхсон асуултанд хариуллаа.
Олимпиад зохион байгуулах комисс
МУИС, ШУС, БУС, Биологийн тэнхим,
Биотехнологийн хөтөлбөр
