Шинэ багш нарт МУИС-ийн эрхэм зорилго, алсын хараа, үнэт зүйлс, түүхийг танилцуулж, байгууллагын соёлын талаар ойлголт өгөх, байгууллагын нэр хүндэд хүндэтгэлтэй хандах хандлага бий болгох, ажиллах явцад баримтлах дотоод дүрэм журмыг танилцуулах, сургалтын арга барил, хөтөлбөрийн чанарт анхаарах талаар хамтран ажиллах зориолготойгоор МУИС-Багшийн хөгжил, цахим сургалтын төв, Захиргаа хүний нөөцийн газар хамтран зохион байгуулсан “Шинэ багш нарт зориулсан чиглүүлэх сургалт” 2018 оны 4 дүгээр сарын 16-ны өдөр амжилттай болж өндөрлөлөө.
Сургалтад МУИС-ийн дэд захирал Др. Ч.Ундрам, БХЦСТ-ийн эрхлэгч Др. С.Батцэцэг, СНГ-ын дарга Др. Л.Одонтуяа, СНГ, Хөтөлбөр, чанарын баталгаажуулалтын албаны дарга Др. Б.Энхдөл, ЗХНГ-ын дарга Др. Г.Эрдэнэбаяр, ЗХНГ-ын мэргэжилтэн Б. Болормаа, Б.Нарантуяа, Эрдэм шинжилгээ, инновацийн хэлтсийн дарга Др. А.Сайнбаяр, МТГ-ын мэргэжилтэн Б.Уянга нар оролцож багш нарт өөрийн газар, алба, хэлтэс, төвийн талаар танилцуулж мэдээлэл хийсэн юм.
Сургалтанд нийт 16 багш оролцов.
