МУИС болон Дундговь аймагтай байгуулсан хамтын ажиллагааны гэрээний хүрээнд 2018 оны 5 дугаар сарын 3-ны өдөр “Төрийн албаны сахилга хариуцлага” сэдвээр Монгол Улсын Засгийн газрын 32 дугаар тогтоолоор 2018 оныг “Хариуцлагын жил болгон” зарласантай холбогдуулан Засгийн газрын “Сахилга хариуцлага, дэг журмыг чангатгах тухай” 2017 оны 01 тоот албан даалгавар, аймгийн Засаг даргын “Ажлын хариуцлагыг дээшлүүлэх тухай” 2017 оны 02 тоот захирамжийн хэрэгжилтийг эрчимжүүлж, төрийн байгууллагуудын үйлчилгээний чанар, хүртээмж төрийн албан хаагчдын үйл ажиллагааны манлайлал, мэргэшил, харилцааны ёс зүйн түвшин, ажлын хариуцлагыг сайжруулах үйл ажиллагааг бүх шатны төрийн байгууллагуудад хэрэгжүүлэх зорилгоор амжилттай зохион байгууллаа.
Зөвлөгөөний нээлтэд МУИС-ийн Дотоод хамтын ажиллагаа, олон нийттэй харилцах хэлтсийн дарга П.Лхамсүрэн үг хэлэв. МУИС-ийн ХЗС-ийн багш, академич С.Нарангэрэл “Төрийн албан хаагчийн баримтлах зарчим, ёс зүйн тухайд” сэдвээр, МУИС-ийн Ахмад багш, ажилтны нэгдсэн холбооны тэргүүн Ж.Жавзандулам “Захиргааны ерөнхий хууль, захиргааны хэм хэмжээний акт”, “Төрийн албан хаагчийн хандлага, харилцааны соёл” сэдвээр, МУИС-ийн Бизнес консалтинг төвийн захирал, доктор Н.Батдэлгэр “Төр, хувийн хэвшил, их сургуулийн хамтын ажиллагаа” сэдвээр тус тус хичээл заав.
