2018 оны 5 дугаар сарын 0-ний өдөр Сургалтын нэгдсэн газрын Хөтөлбөр, чанарын баталгаажуулалтын алба, Шинжлэх ухааны сургуулийн Хүмүүнлэгийн ухааны салбарын Ази судлалын тэнхим, CDIO-Сургагч багш нар хамтран Хүмүүнлэгийн ухааны салбарын Хөтөлбөрийн хорооны гишүүд, Гадаад хэлний төвийн багш нарт “Үр дүнд суурилсан боловсролын CDIO стандарт арга зүй уялдуулан сургалтын хөтөлбөрийг боловсронгуй болгох асуудалд” сэдвээр сургалт, семинар амжилттай зохион байгууллаа.
Сургалтанд нийт 30 багш хамрагдсан бөгөөд ШУС-ийн Ази судлалын тэнхимийн профессор Д.Сайнбилэгт “Орчин үеийн сургалтын чиг хандлагын өөрчлөлт-Үр дүнд суурилсан боловсрол”-ын талаар, СНГ-ХЧБА-ны дарга, CDIO сургагч багш Т.Энхдөл сургалтын хөтөлбөрийн тасралтгүй сайжрах үйл явц, үр дүнд суурилсан боловсролын сургалтын үр дүн, CDIO стандарт, загварыг Хүмүүнлэгийн ухааны салбарын сургалтын хөтөлбөрт хэрхэн тусгаж, харилцан уялдаатай хичээл бүхий сургалтын хөтөлбөр хэрхэн боловсруулах талаар хөтөлбөрийн хорооны гишүүдэд зөвлөгөө өглөө. Сургалтын төгсгөлд семинарт оролцсон багш нар STEEP шинжилгээний аргазүй ашиглан ирээдүйд төгсөх оюутнуудад тулгарах сорилт, шинэ боломж, хандлагыг хэрэгжүүлж буй хөтөлбөрийн жишээгээр шинжилж, санал солилцлоо.
