МУИС-ийн ОУХНУС-ийн Нийтийн удирдлагын тэнхим, Германы Олон Улсын Хамтын Ажиллагааны Нийгэмлэгийн (GIZ) Эрдэс баялаг түүхий эдийн иж бүрэн санаачлага (ЭТИС) хөтөлбөртэй хамтран “Орон Нутгийн Цогц Хөгжил – Түншлэл” (ICDP) төслийн хүрээнд “Үр дүнтэй төрийн захиргааны арга хэрэгслүүд” сэдэвт сургалт 2018 оны 10-р сарын 11-ний өдөр МУИС хичээлийн V байрны 203 тоотод амжилттай зохион байгуулагдлаа.
Тус сургалтад Үндэсний хөгжлийн газрын мэргэжилтнүүд, Баянхонгор, Сэлэнгэ, Увс, Өмнөговь аймгуудын ЗДТГ-ын удирдах болон гүйцэтгэх түвшний төрийн албан хаагчид хамрагдлаа.
АНУ-н Аляскагийн Их сургуулийн Prof. Dr. Duffy “Үр дүнтэй төрийн захиргааны арга хэрэгслүүд сэдвийн хүрээнд өндөр гүйцэтгэлтэй байгууллага, шийдвэр гаргалт, гүйцэтгэлийг хэмжих, логик загварууд дэд сэдвээр лекц уншлаа. Prof. Dr. Duffy нь 30-гаруй жил Орон нутгийн захиргаанд, Аляскийн дээд гүйцэтгэх түвшний албан тушаалд ажилласан болон олон тооны ашгийн бус байгууллагуудын Төлөөлөн Удирдах Зөвлөлүүдийн удирдах гишүүнээр ажиллаж байсан арвин их туршлагатай. Энэхүү сургалт нь төрийн албан хаагчдад шинэ мэдлэг, шилдэг туршлага судлах боломж олгон онол, практик хосолсон үр дүнтэй арга хэмжээ боллоо хэмээн сургалтад хамрагдсан төрийн албан хаагчид өндөр сэтгэгдэлтэй байлаа.
Prof. Dr. Duffy-даа баярлалаа.
МУИС-ийн ОУХНУС-ийн Нийтийн удирдлагын тэнхим
