2018 оны 12 дугаар сарын 28-ны өдөр Сүхбаатар дүүргийн Иргэдийн Төлөөлөгчдийн Хурлын дарга Э.Ганбат, Сүхбаатар дүүрэг дэх цагдаагийн нэгдүгээр хэлтсийн ахлах мэргэжилтэн, цагдаагийн хошууч Б.Саруултуяа нар МУИС-д Талархал гардууллаа. Энэхүү талархлыг МУИС нь гэмт хэргээс урьдчилан сэргийлэх тухай хуульд заасан үндсэн үүргээ биелүүлж, эрүүл аюулгүй орчинд сурч боловсрох орчныг бүрдүүлэх ажилд оюутны оролцоог нэмэгдүүлж, тодорхой төрлийн гэмт хэрэг, зөрчлөөс урьдчилан сэргийлэх ажилд идэвх санаачилгатай манлайлан оролцсон тул гардуулжээ.
МУИС-ийн оюутан залуусын идэвх санаачлагад суурилсан хяналтыг бий болгож, аюулгүй орчныг бүрдүүлэх, гэмт хэрэг, нийгмийн хэв журмын зөрчлөөс урьдчилан сэргийлэх ажилд оюутны оролцоог нэмэгдүүлж “Оюутан эргүүл”-ийг ажиллуулсан юм.
