Монгол Улсын Их Сургууль энэ жил түүхт 70 жилийн ойн баяраа тэмдэглэн өнгөрүүлж байгаа билээ. Үүний хүрээнд Монгол улсад үйл ажиллагаа явуулж буй бүх их дээд сургуулиудын оюутнуудын дунд “Future Mongolia: Vision 2050” Оюутны Фестиваль зохион байгуулагдах гэж байна. Энэ сарын 24-ний өдрөөс эхлэн 10-р сарын 4-ийг хүртэл үргэлжлэх энэ фестивалийн хүрээнд хэд хэдэн томоохон ажлууд хийгдэхээр төлөвлөгдөж байгааг та бүхэнд танилцуулж байна.
- 1. ЭРДЭМ ШИНЖИЛГЭЭНИЙ ЧУУЛГАН
Энэхүү чуулган нь энэ хичээлийн жилийн хамгийн эхний эрдэм шинжилгээний хурал болон зохион байгуулагдаж, бакалавр болон магистр, докторын түвшний бүтээлийг хэлэлцүүлж, салбар бүрийн оюутнуудтай мэдлэг оюунаа хуваалцах зорилготой юм.
Хугацаа: 10-р сарын 03
Байрлал: Чингис Зочид Буудал
Эрдэм шинжилгээний чуулганы сэдвүүд:
- 1. Green Mongolia /”Ногоон” Монгол/
- 2. Globalization and Mongolia /Даяаршил ба Монгол улс/
- 3. Development Opportunities and Challenges /Хөгжлийн гарц ба тулгамдаж буй асуудал, бэрхшээлүүд/
- 4. Technology and Vision /Технологи ба Хөгжлийн чиг хандлага/
- 2. ХӨГЖЛИЙН ФОРУМ
Бидний амьдралд үргэлж ойр байдаг асуудлуудыг оюутнууд та бүгдийн оролцоотойгоор гарган ирж саад бэрхшээлийг даван туулах арга замыг шинжлэх ухааны үндэслэлтэйгээр шийдэх, оюутны дуу хоолойг сонсох, судалгаа шинжилгээний ажил болон мэргэжлийн ур чадварыг нэмэгдүүлэхэд зорилго бүхий “Хөгжлийн Форум”-д та бүхнийг урьж байна.
Хугацаа: 10-р сарын 01
Байрлал: Чингис Зочид Буудал
Хөгжлийн Форум нь тодорхой шалгуурыг хангасан оролцогчыг баг болгон хувааж, багуудад өмнө нь оноосон сэдвүүдийн дагуу хэлэлцүүлэг-мэтгэлцээнийг өрнүүлэх зарчмаар, тусгай дүрмийн дагуу явагдана. Дэлгэрэнгүй мэдээллийг холбоо барих хаягаас аваарай.
- 3. ОЮУТНЫ БҮТЭЭЛИЙН ҮЗЭСГЭЛЭН
Энэхүү оюутны бүтээлийн үзэсгэлэнд МУИС-ийн түүхийг харуулсан цаг хугацааны товчоон, МУИС-ийн оюутнуудын бүтээсэн, цуглуулсан бүтээлүүдийг олон нийтэд танилцуулагдан тавигдаж, оюутны бүтээлийн шинэлэг санааг бүртгэж, оюуны өмчийн эрхийг баталгаажуулах зорилготой юм.
Хугацаа: 10-р сарын 1-5
Байрлал: МУИС-ийн Хичээлийн 1-р байр
Үзэсгэлэнгийн чиглэлүүд:
- 1. Photography and Art Gallery (Фото зураг, уран зургийн галлерей)
- 2. Technology and Vision Gallery (Технологи, Ирээдүйн чиг хандлагын галлерей)
- 3. Hobbies and Special Collection (Хобби, Онцгой цуглуулгын галлерей)
- 4. NUM’S GOT TALENT!
NUM GOT TALENT!” буюу “Авьяаслаг МУИС-чууд” арга хэмжээ нь оюутнуудын дунд нуугдсан төрөл бүрийн нууц авьяасыг илрүүлэх, тэдгээрийг хөгжүүлэх, нээн таниулах, урамшуулах, олонд таниулах зорилго бүхий шинэлэг хэлбэр бүхий “шоу-тэмцээн” юм.
Эхний шат: 9-р сарын 29, Хүүхдийн урлан бүтээх төв
Төгсгөлийн шат: 10-р сарын 4, УДЭТ
ШАГНАЛЫН САН: Бөөн бөөн шагналууд
Оюутны фестивальтай холбоотой бусад дэлгэрэнгүй мэдээллийг та бүхэн салбар сургуулиудын Оюутны зөвлөлөөс авах боломжтойгоос гадна доорх хаягаар холбогдон авч болно.
– Фэйсбүүк хуудас: www.facebook.com/FutureMongolia
– Твиттер хуудас: www.twitter.com/FutureMongolia
– Веб хуудас: www.num.edu.mn
– Холбогдох утас: 95956611, 99731632
Мөн энэхүү фестивалийн зохион байгуулалтын ажилд оролцох хүсэлтэй сайн дурын оюутнууд болон мэдээлэл түгээх зорилго бүхий сэтгүүлч оюутнуудыг хамтран ажиллахыг урьж, бүртгэн авч байна.
