2022 онд тохиож буй МУИС-ийн түүхт 80 жилийн ойг тэмдэглэх ажлын хүрээнд МУИС-аар овоглогсод болон олон нийт, нийгэмд чиглэсэн мэдээ, мэдээлэл, контент, сурталчлан таниулах зорилготой бүхий л үйл ажиллагаанд сурталчилгааны бэлэг тэмдэг болгон ашиглах зорилгоор “МУИС-ийн 80 жилийн ойн лого бүтээх уралдаан”-ыг зарласан.
Тус уралдаанд нийт 14 оролцогчийн 30 бүтээл ирсэн бөгөөд тэдгээр бүтээлийг МУИС-ийн Захиргааны зөвлөл хэлэлцэж 3 логог шаардлага хангасан гэж үзэн МУИС-ийн багш, ажилтнуудаас санал авч эцсийн шийдвэрийг өнөөдөр /2022.03.15/ Захиргааны зөвлөлөөс гаргалаа.
МУИС-ийн 80 жилийн ойн лого бүтээх уралдаанд шалгарсан бүтээл /М.Алтансүхийн бүтээл/
МУИС-ийн 80 жилийн ойн логоны тайлбар
- Энэхүү лого нь МУИС-ийн 70, 75 жилийн ойн логоны хэв шинжийг хадгалсан.
- МУИС-ийн үндсэн логоны зохион байгуулалтын харьцааг нягт барьсан.
- Жижгээс том руу хувиргахад харьцаа алдагдахгүй үндсэн элементүүд тод харагдахаар хийгдсэн.
- Мандан бадрахын бэлгэдэл улаан өнгө болон МУИС-ийн үндсэн өнгийг кодын дагуу хослуулан хийв.
- 8 болон 0 тоо нь эхлэлээс төгсгөл хүртлээ 1 шугамд буюу тэгш хэмийн зарчмыг баримтлан бичигдсэн.
- МУИС-ийн логоны доор байрлах дарцаг нь цэнхэр хадгийг бэлгэдэж байна.
Уралдаанд бүтээлээ ирүүлсэн нийт оролцогчдод талархал илэрхийлье.
