МУИС-ийн Хангамж, үйлчилгээний газар “Эс Ти Си Эс” ХАБЭА-н сургалтын төвтэй хамтран 2022 оны 3 дугаар сарын 28, 29-ний өдрүүдэд анх удаа НИЙТ АЖИЛТНЫ ХАБЭА-н сургалтыг нийт ажилтнуудад аюулгүй ажиллах хандлага төлөвшүүлж, үйлдвэрлэлийн осол, хурц хордлого, өвчлөлөөс урьдчилан сэргийлэх, ажлын байрны сөрөг хүчин зүйлсээс эрүүл мэндээ хамгаалахад зайлшгүй шаардлагатай ХАБЭА-н мэдлэг олгох зорилгоор ажлын байран дээр амжилттай зохион байгууллаа. Сургалтанд Хангамж үйлчилгээний газрын удирдлага болон үйлчилгээний албаны нийт 190 гаруй ажилтан оролцов.
Сургалтыг ХАБЭА-н сургагч багш ISO 45001:2018 стандартын тэргүүлэх аудитор Д.Мөнхбат удирдан явууллаа.
Сургалтаар эзэмшсэн мэдлэг:
- Хөдөлмөрийн аюулгүй байдал эрүүл ахуйтай холбогдох хууль эрх зүйн ерөнхий ойлголт
- Үйлдвэрлэлийн осол хурц хордлогоос урьдчилан сэргийлэх тухай ойлголт
- Ажлын байран дахь осол өвчлөлд хүргэх аюулыг таньж илрүүлэх мэдээлэх эрсдэлийг үнэлэх аюулыг арилгах тухай ойлголт
- Мэргэжлээс шалтгаалах өвчлөл үүсгэж болзошгүй ажлын байрны сөрөг хүчин зүйлсийг таньж илрүүлэх урьдчилан сэргийлэх тухай ойлголт
Сургалтаар эзэмшсэн чадвар:
- ХАБЭА-н хууль тогтоомж дүрэм журам стандарт заавар зааварчилгааны шаардлагыг биелүүлж ажиллах
- Үйлдвэрлэлийн осол хурц хордлого мэргэжлээс шалтгаалах өвчлөлөөс урьдчилан сэргийлэх мэдлэг арга зүй
- Ажлын байрны осол өвчлөлд хүргэдэг аюулуудыг илрүүлэн эрсдэлийг үнэлэх аюулыг мэдээлэх арилгах хянах арга зүй
Сургалтыг танхимаар зохион байгуулсан бөгөөд нийт ажилтнууд сургалтаар өгөгдсөн зааварчилгааг чанд биелүүлж, өөрийн болон бусдын аюулгүй байдлыг хангаж ажиллахаа илэрхийллээ. Нийт ажилтны ХАБЭА-н сургалтад хамрагдсан ажилтнууд шалгалтаар мэдлэгээ баталгаажууллаа. Сургалтад хамрагдсан ажилтан тус бүрд сертификат олгож, байгууллагад БАТЛАМЖ гардуулав.
