МУИС-ийн Удирдах зөвлөлийн анхдугаар хуралдаан 2024 оны тавдугаар сарын 17-ны өдөр боллоо.
Хэлэлцсэн асуудал:
- Удирдах зөвлөлийн гишүүдийг батламжлах
- Удирдах зөвлөлийн даргыг сонгох
- Удирдах зөвлөлийн дүрмийг хэлэлцэж, батлах
- Бусад асуудлын хүрээнд,
- Удирдах зөвлөлийн хуралдааны дэгийг хэлэлцэж, батлах
- МУИС-ийн ректорын албан үүргийг түр орлон гүйцэтгэгчийг томилох тухай асуудлуудыг тус тус хэлэлцлээ.
Шийдвэрлэсэн нь:
- Монгол Улсын Их Сургуулийн Удирдах зөвлөлийн гишүүдийг батламжилж, хуралдаанд оролцсон гишүүдийн 100 хувийн саналаар Боловсрол, шинжлэх ухааны яамны Төрийн нарийн бичгийн дарга Х.Батжаргалыг Удирдах зөвлөлийн даргаар сонгож ажиллуулахаар тогтов.
- Монгол Улсын Их Сургуулийн Удирдах зөвлөлийн дүрмийг шинэчлэн батлав.
- МУИС-ийн Удирдах зөвлөлийн хуралдааны дэг болон Ректорын ажлын байрны тодорхойлолтыг шинэчлэн батлав.
- Профессор Баянжаргалын Очирхуягийг МУИС-ийн ректорын албан үүргийг 2024 оны тавдугаар сарын 21-ний өдрөөс эхлэн түр орлон гүйцэтгүүлэхээр шийдвэрлэв.
