Эрхэм хүндэт эрдэмтэн судлаач Та бүхнийг МУИС-ийн Антропологи, Археологийн тэнхимээс эрхлэн гаргадаг “Mongolian Journal of Anthropology, Archaeology and Ethnology” сэтгүүлийн (https://journal.num.edu.mn/MJAAE) 2024 оны хоёр дахь дугаарт эрдэм шинжилгээний өгүүллээ илгээхийг урьж байна. Манай сэтгүүлийн анхны дугаар 2002 онд хэвлэгдэн гарснаас хойш Монголын археологи, биологийн болон нийгэм соёлын антропологи, угсаатан судлалын салбарын шинэ мэдээлэл, судалгааны шинэлэг үр дүнг нийтлэх, салбарын эрдэмтэн судлаач, ахисан түвшний оюутан суралцагчдын санал бодлоо хуваалцах эрдэм шинжилгээний талбар болж арван гурван дугаарыг олны хүртээл болгожээ.
“Mongolian Journal of Anthropology, Archaeology and Ethnology” сэтгүүл нь 2023 оноос (ISSN 1810-5025) олон улсын эрдэм шинжилгээний мэдээллийн санд албан ёсоор нэгдэж, өгүүлэл тус бүр DOI (Digital Object Identifier) дугаартай хэвлэгдэх болсон билээ.
Та бүхэн сэтгүүлийн хэвлэн нийтлэлийн шаардлагын дагуу бичсэн өгүүллийнхээ MS Word болон PDF цахим хувилбарыг тус сэтгүүлийн вэб хуудсанд бүртгүүлэн (https://journal.num.edu.mn/MJAAE/user/register) илгээх буюу эсвэл amartuvshin.ch@num.edu.mn и-мэйл хаягаар холбоо барина уу.
Сэтгүүлийн дугаарт өгүүлэл хүлээн авах хугацаа: 2024 оны аравдугаар сарын 31 хүртэл
БҮТЭЭЛД ТАВИГДАХ НИЙТЛЭГ ШААРДЛАГАТАЙ ТАНИЛЦАНА УУ
РЕДАКЦИЙН ЗӨВЛӨЛ
