Монгол Улсын Гавьяат багш, Физик, математикийн ухааны доктор, МУИС-ийн ахмад багш, профессор Лэгцэг овогтой Өвгөн багшийн “Ажил амьдралын замнал” сэдэвт хүндэтгэлийн лекцэд эрхэм хүндэт багш, оюутан та бүхнийг хүрэлцэн ирэхийг урьж байна. Хүндэтгэлийн лекц 2024 оны аравдугаар сарын 16-ны өдөр МУИС-ийн Эрдмийн танхим (дугуй зал)-д 12:00-13:00 цагийн хооронд болно.
Өвгөн багш 1974 онд Киевийн Их Сургуульд “Хоёр хэмжээст хувийн утгын бодлогыг өндөр нарийвчлалтай ялгаварт схемийн тусламжтайгаар бодох” сэдвээр докторын зэрэг хамгаалжээ. Л.Өвгөн нь эрдэм шинжилгээний хуралд 20 гаруй илтгэл, үүнээс тавыг нь гадаадад тавьж хэлэлцүүлжээ. Монгол Улсад тооцон бодох математикийн чиглэлийн мэргэжилтэн бэлтгэх ажлыг гардан зохион байгуулж 500 гаруй мэргэжилтэн бэлтгэж төгсгөсөн. 1999 онд Монголын математикийн багш нарын академийн академич цол хүртсэн. 2006 онд Монгол Улсын Гавьяат багш цолоор шагнагджээ.
Мөн энэ өдрийн 13:00 цагт Монгол Улсын Гавьяат багш Түүхийн ухааны доктор, МУИС-ийн дэд профессор Содномдаржаагийн Отгонжаргал багшийн “Үнэт зүйлийг дахин үнэлэхүй: Богд хаант Монгол улс Хүн төвт Үндсэн Хууль боловсруулж байсан түүхээс” сэдэвт илтгэл хэлэлцүүлнэ.
