Европын Холбооны санхүүжилттэй “Эрасмус+” хөтөлбөрийн хүрээнд Францын Парис Нантерийн их сургууль (University Paris Nanterre)-ийн магистрын солилцооны хөтөлбөрийн сонгон шалгаруулалтад урьж байна.
Уг хөтөлбөрт хүсэлт гаргагч нь МУИС-ийн дор дурдсан мэргэжил, түвшинд суралцагч байх шаардлагатай бөгөөд зөвхөн МУИС-ийн Хамтын ажиллагааны хэлтсээр дамжуулан хөтөлбөрт хамрагдах хүсэлт гаргана.
Мэргэжлийн чиглэл, түвшин:
- Археологи, антропологи, түүх, газарзүйн чиглэлээр нийт 2 оюутан солилцоонд хамрагдана
Доорх ангиллуудаас аль нэгэнд нь хамрагдах нэр дэвшигчдийн онцгой нөхцөл байдлыг харгалзан үзнэ. Үүнд:
- Санхүүгийн чадамж хязгаарлагдмал, эмзэг бүлгийн нэр дэвшигч.
Хавсаргах баримт бичиг: Төрөөс халамж, нэмэлт санхүүгийн тусламж авдаг гэдгийг нотлох баримт бичиг
- Ялгаатай хөгжилтэй нэр дэвшигч.
Хавсаргах баримт бичиг: Эмчийн бичиг (эх хувиараа, материал бүрдүүлж өгсөн өдрөөс ихдээ зургаан сарын дотор бичигдсэн байх)
Хөтөлбөрийн хугацаа: 2024-2025 оны хичээлийн жилийн хаврын семестр (Нийт 5 сар)
Тэтгэлгийн хэмжээ: Сургалтын төлбөр, нислэгийн тийзийн төлбөр болон амьжиргааны зардлыг Европын Холбооноос бүрэн хариуцна.
Тавигдах шаардлага:
- Дээр заасан мэргэжлийн чиглэлээр идэвхтэй суралцаж буй МУИС-ийн магистрын түвшний нэг болон түүнээс дээш улирал суралцсан оюутан байх
- Англи хэлний B2-C1 түвшний мэдлэгтэй байх
Бүрдүүлэх материал:
- Өргөдөл/Application form
- CV (судалгааны сэдэв болон хичээлээс гадуурх үйл ажиллагаанд оролцсон талаар тусгана)
- Оюутны тодорхойлолт (Англи хэл дээр)
- Дүнгийн албан ёсны тодорхойлолт (Англи хэл дээр)
- Хэлний мэдлэгийг тодорхойлох батламж
- Нэмэлт амжилт тодорхойлох баримт бичгүүд
- Гадаад паспортын хуулбар
Материал хүлээн авах хугацаа: 2024 оны 11 дүгээр сарын 28 (Пүрэв гараг) хүртэл
Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн cooperation@num.edu.mn цахим хаягаар илгээнэ. Хөтөлбөрийн талаар асууж тодруулах зүйлээр Хамтын ажиллагааны газрын 75754400-(1165) дугаарт холбогдож эсвэл cooperation@num.edu.mn хаягаар хандана уу. Хугацаа хоцорсон материал хүлээн авахгүйг анхаарна уу.
ХАМТЫН АЖИЛЛАГААНЫ ГАЗАР
