МУИС-ийн Оюутны хөгжлийн газар, МУИС-ийн Номын сан, МУИС-ийн Номын сангийн дэргэдэх “The Book Clubhouse” (Номтой найзалъя) номын клуб, МУИС-ийн харьяа “NUM Alpha” клуб хамтран МУИС-ийн нэгдүгээр түвшний суралцагчдад мэргэжлийн болон ерөнхий суурь хичээлүүдийн ном, сурах бичгийг танилцуулах, хэрэгцээт номоо олж унших, амжилттай суралцахад нь туслах зорилготойгоор “ЕРӨНХИЙ СУУРЬ ХИЧЭЭЛҮҮДИЙН НОМ, СУРАХ БИЧГИЙГ ТАНИЛЦУУЛАН СУРТАЛЧЛАХ ӨДӨРЛӨГ”-ийг зохион байгууллаа.
Тус өдөрлөгийн хүрээнд Ерөнхий суурь хичээлүүдээс хамгийн их сонгон судалдаг 13 хичээлийн сурах бичиг болон тухайн хөтөлбөрийн агуулгад хамаарах бусад ном, сурах бичгийг танилцуулсан юм. Мөн номын сангийн сан хөмрөгт байгаа цахим болон сонсдог ном, сурах бичгийг хэрхэн үзэх талаар танилцуулга хийсэн бөгөөд МУИС-ийн бакалаврын түвшний 150 оюутан тус өдөрлөгт хамрагдаж, мэдээлэл авсан байна.
