МУИС-ийн Удирдах зөвлөл өнөөдөр /2024.12.24/ хуралдлаа.
Энэ удаагийн Удирдах зөвлөлийн хуралдаанаар дараах асуудлыг хэлэлцэв. Үүнд:
- Удирдах зөвлөлийн шинэ гишүүдийг батламжилж, төрөлжсөн хороог шинэчлэн байгуулах
- “2023-2024 оны хичээлийн жилийн тайлан”
- “МУИС-ийн стратеги төлөвлөгөө 2025-2030”
- “2025 оны төсөв, үйл ажиллагааны төлөвлөгөө”.
МУИС-ийн Удирдах зөвлөлийн шинэ гишүүдийг батламжилж, төрөлжсөн хороог шинэчлэн байгуулав.
МУИС-ийн 2023-2024 оны хичээлийн жилийн үйл ажиллагааны тайлантай танилцаж “хангалттай” үнэлгээ өгөн хамт олонд танилцуулахыг үүрэг болгов.
“МУИС-ийн стратеги төлөвлөгөө 2025-2030”-г хэлэлцэж дэмжин тус төлөвлөгөөний тэргүүлэх чиглэл, зорилго, зорилтууд болон үйл ажиллагааны төлөвлөгөөг МУИС-ийн жил бүрийн ажлын төлөвлөгөө, хөтөлбөрүүдэд тусган, гүйцэтгэлийн хяналтыг зохион байгуулж ажиллахыг үүрэг болгов. Түүнчлэн МУИС-ийн 2025 оны төсөв, үйл ажиллагааны төлөвлөгөөг хэлэлцэж баталсан байна.
