МУИС болон АНУ-ын Баруун Вашингтоны Их Сургууль хоорондын хамтын ажиллагааны хүрээнд Баруун Вашингтоны Их Сургуулийн Зүүн Ази судлалын төвийн оюутнуудад монгол судлалын чиглэлээр хичээл заах зочин багшийг 3 сарын хугацаатайгаар сонгон шалгаруулж ажиллуулна. Тус түр хугацааны зочин багшийн сонгон шалгаруулалтад оролцох багш нар холбогдох материалыг бүрдүүлэн илгээнэ үү.
Ажлын байрны нэр: Монгол судлаач Хэнри Щварцын нэрэмжит зочин багш (Henry G. Schwarz Visiting Lecturer)
Хамаарах салбар, үндсэн үүрэг
- Монгол судлалын чиглэлээр 5 багц цаг (долоо хоногт 3 цаг)-ийн хичээл заах.
- Монгол судлалын номын санд туслах.
- Монгол судлалыг тус сургуульд өргөжүүлэх үйл хэрэгт долоо хоногт 3 цаг ажиллах.
Ажиллах хугацаа:
- 2025 оны намрын улирал: 9-р сарын 16-аас 12-р сарын 16 хүртэл эсвэл 2026 оны өвлийн улирал: 2026 оны 1-р сарын 02-оос 3-р сарын 30 хүртэл.
Сонгон шалгаруулалтад бүрдүүлэх материал
- Товч намтар (CV)
- Бүтээлийн жагсаалт
- Өөрийн ажлын төлөвлөгөө болон хүсэл зорилгоо илэрхийлсэн нэг захидал (Cover Letter)
- 3 хүнээс дэмжин тодорхойлсон захидал (Recommendation Letter)
Материал илгээх
Бүрдүүлсэн материалыг дараах и-мэйл хаягууд руу хамт илгээнэ үү:
- cooperation.visa@num.edu.mn
- cooperation@num.edu.mn
Анхааруулга: Урьдчилсан шатны сонгон шалгаруулалтад тэнцсэн тохиолдолд Зүүм (Zoom)-ээр уулзан ярилцлага хийнэ. Энэхүү ярилцлагын зорилго нь:
- Англи хэлээр хичээл заах ур чадвар,
- Заах арга зүй, ажлын туршлагыг тодруулахад чиглэнэ.
Та бүхэн энэ цахим холбоос ( https://hr.wwu.edu/careers-faculty?job=501997 )-оор нэвтэрч ерөнхий болон тусгай шаардлагыг уншин, материалаа бүрдүүлнэ үү.
Баруун Вашингтоны Их Сургуульд зочин багшаар ажиллах боломжийг ашиглан монгол судлалыг дэлгэрүүлэх эрхэм үүрэгт таныг урьж байна.
ХАМТЫН АЖИЛЛАГААНЫ ГАЗАР
