Эдийн засгийн хамтын ажиллагаа, хөгжлийн байгууллагын Цөмийн Эрчим Хүчний Агентлаг-ийн Ерөнхий захирал ноён William D. Magwood Монгол Улсын Их Сургуульд зочилж, “Цөмийн эрчим хүчний шинэ үе: Боломж ба бэрхшээл” сэдвээр лекц уншина.
📅 Хэзээ: 2025 оны 2 дугаар сарын 21-ний өдөр (Баасан гараг), 14:30-16:00
📍 Хаана: Монгол Улсын Их Сургууль, Хичээлийн 1 дүгээр байр, Эрдмийн танхим (Дугуй заал)
Хэл: Англи
ИЛТГЭГЧИЙН ТУХАЙ
Ноён William D. Magwood нь 2014 оноос хойш NEA-ийн Ерөнхий захирлаар ажиллаж байна. Тэрбээр 2010-2014 онуудад АНУ-ын Ерөнхийлөгчийн зарлиг, Сенатын батламжаар АНУ-ын Цөмийн Зохицуулалтын Комисс (NRC)-ын комиссараар ажиллаж байсан бөгөөд цөмийн эрчим хүчний бодлого, зохицуулалтын чиглэлээр өргөн туршлагатай.
Түүний санаачилсан Generation IV International Forum (GIF), АНУ-ын “Nuclear Power 2010” хөтөлбөрүүд нь тус улсын цөмийн эрчим хүчний шинэ бүтээн байгуулалтыг сэргээхэд чухал үүрэг гүйцэтгэсэн.
🔗 Дэлгэрэнгүй мэдээлэл авах: Nuclear Energy Agency (NEA) – NEA Director-General William D. Magwood, IV
Энэхүү арга хэмжээ нь багш, оюутан, судлаачид болон сонирхсон бүх хүнд нээлттэй тул та бүхнийг хүрэлцэн ирэхийг урьж байна.
ХАМТЫН АЖИЛЛАГААНЫ ГАЗАР
