МУИС-ийн Бизнесийн сургууль болон Ханжинтранс Форвард ХХК-ийн хамтран зохион байгуулсан “CRAFTING MESSAGES, INFLUENCING MARKETS” маркетингийн уралдаанд нийт 9 баг оролцож, авьяас чадвараа сорилоо. Энэхүү тэмцээний гол зорилго нь оюутан залуусыг бизнесийн салбарт шинэ санаа, бүтээлч хандлагаараа хувь нэмрээ оруулахад нь түлхэц үзүүлэхэд оршино.
Тэмцээний дүнгээр:
- Тэргүүн байр: Бизнесийн сургуулийн оюутан Г.Дөлгөөн, Б.Жавхлан, М.Намуунзул, Ч.Солонго, О.Энэрэл нар (Өргөмжлөл, 1,000,000₮ мөнгөн шагнал)
- Хоёрдугаар байр: Бизнесийн сургуулийн оюутан Б.Идэрбаясгалан, А.Бадамэцэг, Х.Хулан нар (Өргөмжлөл, 800,000₮ мөнгөн шагнал)
- Гуравдугаар байр: Бизнесийн сургуулийн оюутан С.Бүжмаа, Б.Золзаяа, М.Маралмаа, Б.Содбаяр, Х.Хонгорзул нар (Өргөмжлөл, 600,000₮ мөнгөн шагнал)
- Тусгай байр: Бизнесийн сургуулийн оюутан А.Анхбаяр, М.Долгорсүрэн, Э.Нандинцэцэг, Х.Сунхар, А.Тэргэл, Н.Хишигням нар (Өргөмжлөл, 300,000₮ мөнгөн шагнал) тус тус шалгарлаа.
Оюутан залуусын мэдлэг, ур чадварыг хөгжүүлж, ирээдүйн бизнесийн салбарт бодитой хувь нэмэр оруулах зорилготой уг арга хэмжээг нийгмийн хариуцлагын хүрээнд дэмжин, хамтран ажилласан Ханжинтранс Форвард ХХК-ийн хамт олонд талархал илэрхийлье. Тус тэмцээнийг санаачлан, жил бүр аж ахуйн нэгж, байгууллагуудтай хамтран зохион байгуулж, оюутнуудад байгууллагын бодит кейс дээр ажиллах боломжийг олгодог МУИС-ийн Бизнесийн сургуулийн Маркетинг Худалдааны тэнхимийн багш Б.Угтахжаргал, мөн тэмцээний арын ажлыг жил бүр хариуцлагатайгаар гүйцэтгэдэг NUM ALPHA CLUB-д талархал илэрхийлье.
