МУИС-ийн Бизнесийн сургууль, Шинжлэх ухаан технологийн Улаанбаатар парк, БС-ийн харъяа Бизнес консалтинг төв болон Бодлогын судалгааны лабораторийн бүрэлдэхүүн, албаны хүмүүс МҮХАҮТ-ийн удирдлага, албаны төлөөлөлтэй 2025.09.10 өдөр нөхөрсөг уулзалтыг зохион байгууллаа.
Уулзалтын хүрээнд:
- Их сургууль-МҮХАҮТ-Бизнес эрхлэгчдийн түншлэл, хамтын ажиллагааг “ТРИПЕЛ ХЕЛЕКС”-ийн зарчмаар их сургуулийн бий болгосон мэдлэг, инновац, технологийг бизнес эрхлэгчид, ААН-дэд хүргэхэд тууштай хамтран ажиллахаа илэрхийллээ.
- Жил бүр уламжлал болгон зохион байгуулдаг энтрепренер форумыг МҮХАҮТ-тай хамтран стартапаас−компанийн түвшинд зохион байгуулахаар тохиролцлоо.
- Монголын бизнесийн орчны судалгаа, судалгааны дата бааз, цахим систем хөгжүүлэлтэд хамтран ажиллана.
- Шинжлэх ухаан, технологи, инновацыг нийгэм эдийн засгийн эргэлтэд оруулж мэдлэгийг эдийн засаг болгон хувиргахад олон талт хамтын ажиллагаар хэрэгжүүлэхээр тохиролцлоо.
- Үйлдвэр, бизнес эрхлэгчдийн мэдлэг, ур чадварыг дээшлүүлэх, мэргэшүүлэх, чадавхжуулахад сургалт-судалгаа-үйлдвэрлэлийн чиглэлд олон талт хэлбэрээр харилцан хамтран ажиллахаар боллоо.
Эцэст: 2025.09.15-ны өдөр Танхмийн ерөнхийлөгч болон албаны хүмүүс Бизнес эрхлэгчдийн төлөөлөл Шинжлэх ухаан технологийн Улаанбаатар паркд зочилж Технологи зүгшрүүлэлт, үйлдвэрлэлийн цехийн шугам, ГЭРЛАБ урлан болон МУИС-ийн дэргэдэх Гарааны компаниудын үйл ажиллагаа, бүтээгдэхүүнтэй танилцах арга хэмжээг зохион байгуулахаар боллоо.
Эзэмшсэн боловсрол, мэдлэгээр эдийн засгийн хөгжилд хувь нэмрээ оруулахад МУИС-ийн эрдэмтэн багш, судлаачид үргэлж дэмжин ажиллана.
Хамтын ажиллагаанд амжилт хүсье.
