МУИС болон Тайванийн Үндэсний Ченчи Их сургуулийн хооронд байгуулсан хамтын ажиллагааны гэрээний дагуу 2026-2027 оны хичээлийн жилийн хаврын улирлын оюутан солилцооны хөтөлбөрийг зарлаж байна.
Ерөнхий мэдээлэл:
Тайванийн Үндэсний Ченчи Их Сургуулийн цахим хуудас
Солилцооны хөтөлбөрийн цахим хуудас
Хөтөлбөрийн дэлгэрэнгүй мэдээлэл бүрдүүлэх маягтын жагсаалт, загварууд
Шаардлага:
- МУИС-ийн бакалавр эсвэл ахисан түвшний өдрийн хөтөлбөрт хамгийн багадаа 1 улирал суралцсан, төгсөх болзол хангаагүй, идэвхтэй суралцаж буй суралцагч байх
- Голч оноо: 3.0 ба түүнээс дээш
- Хэлний түвшин: Англи эсвэл Хятад хэлний дундаас дээш түвшний мэдлэгтэй байх шаардлагатай бөгөөд доор дурдсан хэлний түвшин тодорхойлох гэрчилгээ, батламжтай бол давуу тал болно (хэлний онооны батламж байгаа бол хавсаргах). Үүнд:
- Англи хэл дээрх хөтөлбөрт суралцах бол TOEFL iBT 80, IELTS 6.0, TOEIC 700 эсвэл CEFR B2 эсвэл түүнээс дээш оноотой байх
- Хятад хэл дээрх хөтөлбөрт суралцах бол HSK level 4 эсвэл түүнээс дээш оноотой байх.
Алхам 1: Нэр дэвшүүлэхэд шаардлагатай бүрдүүлэх материал (бүх материал англи эсвэл хятад хэл дээр байна)
- Сургуулийн тодорхойлолт /ТҮЦ машинаас англи хэл дээр авсан байх/
- Албан ёсны дүнгийн хуулбар /ТҮЦ машинаас англи хэл дээр авсан байх/
- Гадаад паспортын хуулбар (тэгш, тод, гаднын биет тусаагүй сканердсан, хүчинтэй хугацаа нь 1 жилээс дээш байх)
- Хэлний шаардлага хангасан гэрчилгээ, батламжийн хуулбар эсвэл тодорхойлолт
- Сүүлийн 6 сард авхуулсан цээж зураг
Алхам 2: Нэр дэвшүүлсний дараа бөглөх өргөдлийн маягт, материалууд
- Оюутан хөтөлбөрт шалгарсан тохиолдолд энд дарж өргөдөлийг бөглөж, болон нэмэлт баримт бичгийг өргөдлийн системд оруулна.
Хөтөлбөр:
- Хятад болон англи хэлээрх хөтөлбөрийн жагсаалттай энд дарж танилцана уу.
- Англи хэл дээр судлах хөтөлбөрийн жагсаалттай энд дарж танилцана уу.
- Сургууль, тэнхимүүдийн танилцуулгыг энд дарж үзнэ үү.
Суралцах хугацаа: 1-2 улирал
Суралцах оюутны тоо: 5
Сургалтын төлбөр, зардал: Сургалтын төлбөрөөс чөлөөлнө. Харин нислэгийн билет, дотуур байр, даатгал, бусад амьжиргааны зардлыг суралцагч хариуцна.
1 улирлын зардал (тайванийн доллароор):
- Дотуур байр –11000-58,000 TWD (кампус дотор), 40,000-100,000 TWD(кампусаас гадна)
- Хоол хүнс- 35,000-50,000 TWD
- Нийтийн тээвэр– 6,000-15,000 TWD
- Ном, сурах бичиг – 5,000-8,000 TWD
- Боловсролын яамнаас заавал хийлгэхийг шаардсан оюутны даатгал – 237 TWD
- Нийт – 57,237 -131,737 TWD (кампус дотор), 86,237 – 146,237 TWD (кампусаас гадна)
Өргөдөл хүлээн авах эцсийн хугацаа:
- Бүрдүүлсэн бичиг баримтыг хариуцсан мэргэжилтэнд эх хувиар ирүүлнэ.
- 1 багц pdf өргөтгөлтэй файл болгон studentaffairs@num.edu.mnхаягт 2026 оны 09 дүгээр сарын 24-ны өдрийн 12:00 цагаас өмнө илгээнэ.
- Бүртгэлийн маягтыг энд дарж бөглөнө үү.
Хамтын ажиллагааны гэрээтэй гадаад их сургуульд солилцооны хөтөлбөрт хамрагдах материал ирүүлэхээсээ өмнө өөрийн цаашдын хичээл сургалт, төгсөх хугацаа, солилцооны хөтөлбөрт суралцахад гарах санхүүгийн зардлын асуудлыг сайтар тооцоолж материал ирүүлнэ үү.
Шалгаруулалтад тэнцсэн ч хувийн шалтгаанаар суралцах боломжгүй болсон тохиолдолд холбогдох мэргэжилтэнд доорх хаягаар яаралтай мэдэгдэхийг анхаарна уу.
Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn цахим шуудан, 77307730-1520 утсаар урьдчилан холбогдож лавлана уу.
Бусад хамтын ажиллагааны гэрээтэй гадаад их сургуулийн мэдээлэлтэй танилцах болон солилцооны хөтөлбөрийн урьдчилсан бүртгэлд энд дарж бүртгүүлнэ үү.
Холбогдох ажилтан: МУИС-ийн ОХГ-ын оюутан солилцоо хариуцсан мэргэжилтэн Г.Навчаа
БОХТ-ийн 306 тоот, холбогдох утас: 77307730-1520
ОЮУТНЫ ХӨГЖЛИЙН ГАЗАР
