Тэмцээнд оролцуулах тухай
ТВ-9 телевизээс Монголын шилдэг оюутнуудын дунд зохион явуулж буй мэдлэг сорих тэмцээн нь оюутан залуусын оюун ухааны олон талт мэдлэгийг сорих, шалгахаас гадна шинэ мэдлэг, мэдээ мэдээлэл олгох зорилготой зохион явагдаж байна. Мэдлэг сорих тэмцээнийг ТВ-н реалити шоу нэвтрүүлэг хэлбэрээр зохион явуулах ба нэвтрүүлгийг долоо хоногийн ням гариг бүр ТВ-9 телевизийн эфирээр шууд дамжуулна. Өөрийн мэдлэг чадвараа сорих уралдаант, цэнгээнт тэмцээнд МУИС-ийн бүрэлдэхүүн сургуулийн бүх оюутнууд оролцох боломжтой.
Тэмцээнд оролцох оюутнууд
- МУИС-ийн бүрэлдэхүүн сургуулийн оюутан байх,
- Оролцох оюутан Оюутанд Үйлчлэх Төвд бүртгүүлж урьдчилан мэдээлэл авах,
- Хувийн зохион байгуулалт сайтай байж тэмцээнд бэлтгэл хангаж оролцох,
Бүртгэл:
- Chinzo_0429@yahoo.com хаягруу өөрийн овог нэр, сургууль анги курс, утас, товч танилцуулга илгээснээр бүртгэгдэх болно.
- Мөн МУИС-н хичээлийн 2-р байр 3 дугаар давхарт “Оюутны Урлагийн танхим”-д өөрийн биеэр ирж бүртгүүлэх боломжтой.
Харилцах утас: 77307730-4114, 88056088
“Монгол Оюутны Мэдлэг Сорих Тэмцээн”-ий удирдамж
- Ерөнхий зүйл:
Энэхүү тэмцээн нь Монголын ирээдүй болсон оюунлаг оюутан залуусын сурч боловсрох хүсэл эрмэлзлийг дэмжих, нөгөөтэйгүүр мэдлэгийн хүрээг тэлэх, олон талын мэдлэгтэй болгох зорилготой нэвтрүүлэг юм.
Хамрах хүрээ:
Монгол улсын аль ч их дээд сургуульд суралцаж буй оюутнууд.
- Нэвтрүүлэг явагдах зарчим:
Нэвтрүүлэг бүрт 5 оюутан оролцон хамгийн өндөр оноо авсан оролцогч ялагч болох юм. Үндсэн 3 үе шаттайгаар тэмцээн явагдана.
- Тэмцээний асуулт:
Тэмцээний асуулт нь сонгох асуулт болон шууд амаар асуух асуултууд байх бөгөөд асуултууд Монгол орон болон дэлхийн улс орнуудтай холбоотой бүх л сэдвийн хүрээнд оюутнуудын мэдлэг чадвар, бүтээлч сэтгэлгээг сорих төрөл бүрийн асуултууд тавигдах болно.
- Шагнал, урамшуулал:
Долоо хоногийн ялагч 100.000 төгрөг, Сарын ялагч 500.000 төгрөг
Жилийн эцсийн ялагч БНСУлсын Сөүлийн Их Сургуульд суралцах эрх, 10 сая төгрөг. Дэд байр мөнгөн шагнал (3 сая төгрөг) гэх мэт олон шагнал хүлээж байна.
Жич: Тухайн их сургуулиас тодорхойлсон шилдэг оюутнуудыг ямар нэгэн шалгуургүйгээр шууд тэмцээнд оруулах.
Дэлгэрэнгүй мэдээллийг :
medleg.sorih@yahoo.com
2011 оны 9-р сар
