2014 оны 9 дүгээр сарын 26-нд болсон МУИС-ийн Эрдмийн зөвлөлийн ээлжит хурлаар МУИС-ийн профессор, дэд профессорийн цолны болзол хангасан байдлыг хянан магадлах ажлын хэсэг дүгнэлтийг танилцуулах, МУИС- ийн 2020 он хүртэлх шинэчилсэн стратеги төлөвлөгөөний талаар хэлэлцэх, мөн Дүрмийн шинэчилсэн хувилбар зэрэг 3 асуудлыг авч хэлэлцлээ.
МУИС-ийн профессор, дэд профессор цол олгох журмын шаардлагад нийцсэн 9 багшид цолыг нь олгохоор боллоо. Мөн МУИС- ийн 2020 он хүртэлх шинэчилсэн стратеги төлөвлөгөөнд Улсын болон Яамны хөгжлийн бодлогын өөрчлөлт, орчин нөхцөлийн өөрчлөлт, өмнөх стратеги төлөвлөгөөний зарим зүйлүүд хэрэгжсэн учраас нэмэлт өөрчлөлт оруулах шаардлага гарсан. Мөн сүүлийн 4 жилийн хугацаанд хийгдээгүй Их сургууль дээр явагдсан тодорхой судалгаа, саналыг үндэслээд тодорхой эхэлсэн ажил байгаа үүнийг стратеги, төлөвлөгөөндөө тусгах, шинэчлэлийн бодлогын хүрээнд хийгдсэн салбарын өөрчлөлтийн тодорхой ажлуудыг төлөвлөгөөнд тусгах, одоо хэрэгжиж байгаа судалгааны ажлуудыг оруулах, жил бүр стратеги төлөвлөгөөнд тавьсан зорилтууд биелж байна уу үгүй юу гэдгийг дүгнэх шаардлагатай гэсэн үндэслэлээр шинэчилсэн хувилбарыг оруулж байгаа юм. Түүнчлэн шинээр бий болсон бүтэц, харилцааг Дүрэмд тусган зохицуулах үүднээс МУИС-ийн Дүрмийн шинэчилсэн хувилбарыг Эрдмийн зөвлөлөөрөө хэлэлцлээ. Цаашид сүүлийн 2 асуудалтай холбоотой шийдвэр тогтоолыг цаг тухай бүрд нь цахим хуудсаараа дамжуулан хүргэх болно.
