МУИС-ийн Бизнесийн сургууль нь хуучнаар Эдийн засгийн сургууль, Худалдааны сургуулийг нэгтгэн зохион байгуулсан, МУИС-ийн бүрэлдэхүүн 5 сургуулийн нэг юм. Тус сургууль нь барууны их дээд сургуулиудад байдаг бизнесийн сургуулийн жишгээр хөтөлбөр, хичээлүүдээ шинэчилж, 2014-2015 оны хичээлийн жилд бизнесийн удирдлагын чиглэлээр элсэгчдийн нижгээд хувийг элсүүлэн сургаж байна. Өдгөө тус сургуульд бакалаврын түвшинд 3500 гаруй, магистрт 700 гаруй, докторт 100 гаруй оюутан суралцаж байна.
МУИС-ийн Бизнесийн сургууль нь бакалавр, магистр, докторын сургалтаас гадна Монгол улсын хувийн хэвшлийн компаниудын хүний нөөцийн багагүй хувийг бүрдүүлдэг тус сургуулийн төгсөгчид, бизнес эрхлэгчдэд зориулан ахисан түвшний сургалтуудыг зохион байгуулдаг. Сургуулийн бүрэлдэхүүний нэгж болох Бизнес Консалтинг Төв нь бизнесүүдэд салбарын, зах зээлийн, шинэ бүтээгдэхүүн хөгжүүлэх боломжийн гэх мэт олон чиглэлийн судалгааг захиалгаар гүйцэтгэж, жижиг дунд бизнесүүдэд менежментийн зөвлөх үйлчилгээ үзүүлж, удирдлага, ажилтнуудыг давтан сургадаг.
Эдийн засгийн хүндрэл бий болсоноос эдийн засгийг хөгжүүлэх гарц нь компаниуд менежментээ сайжруулах, экспортод чиглэсэн шинэ бизнесүүд бий болох гэдэг нь улам бүр ойлгомжтой болж буй өнөөгийн нөхцөлд тус сургуулиас ойрын хугацаанд тодорхой амжилтанд хүрсэн болон гарааны (startup) компаниудад чиглэсэн сургалтын 2 шийдлийг санал болгож байна.
1.БИЗНЕСИЙН УДИРДЛАГЫН ДЭЭД КУРС-“МЕНЕЖМЕНТИЙН АХИСАН ТҮВШНИЙ ХӨТӨЛБӨР” СУРГАЛТ. Тодорхой өсөлтөнд хүрсэн ч цаашид өргөжилт, шинэчлэл хийх зорилготой компаниудын захирал, дээд түвшний удирдлагуудад бизнесийн менежментийн ахисан түвшний мэдлэг олгох 16 хоногийн сургалт. 2015 оны 3 сарын 9-нд эхэлнэ. Сургалтын талаарх дэлгэрэнгүй мэдээллийг эндээс авна уу.
2.”БИЗНЕСИЙН ГАРАА”–ЭНТРЕПРЕНЁРШИПЫН БОГИНО ХУГАЦААНЫ СУРГАЛТ. Залууст бизнесийн шинэ санаа, санаачилгаа бодит амьдралд хэрэгжүүлэхэд зайлшгүй шаардлагатай энтрепренёрын сэтгэлгээ, ур чадвар олгох, бизнесийн онолын мэдлэгийг дээшлүүлэх замаар гарааны бизнесийг амжилттай байгуулж, өргөжүүлэхэд хувь нэмрээ оруулах зорилготой 10 хоногийн сургалт. 2015 оны 3 сарын 23-нд эхэлнэ. Сургалтын талаарх дэлгэрэнгүй мэдээллийг эндээс авна уу.
Холбоо барих:
Бизнес Консалтинг Төв
Утас: 350997, 99227130
Фэйсбүүк хуудас: https://www.facebook.com/BusinessConsultingCenter
Цахим хуудас: bs.num.edu.mn
Хаяг: МУИС-ийн Бизнесийн сургууль, МУИС-ийн IV байр, Бага Тойруу, Сүхбаатар дүүрэг, 6-р хороо, Улаанбаатар хот, Монгол Улс
