Дотуур байрны оюутнуудын дунд Монголын оюутны эрхийн өдрийг тохиолдуулан зохион байгуулж буй “Хэмнэлт, ёс зүй”-н аян АХА тэмцээнээр өндөрлөж байна. Үүгээр оюутнуудын мэдлэг, оюуныг сорихоос гадна дотуур байрууд хоорондын үйл ажиллагааг ойртуулж, найрсаг харилцааг тогтоох завшааныг бүрдүүлжээ.
Аян бүхэлдээ сэдвийнхээ хүрээнд оюутнуудад мэдээлэл өгч, мэдлэг бүтээлгэн, хэрэгжүүлэх гэсэн арга барилаар явагдсан бөгөөд МУИС-ийн Нийгмийн ухааны сургуулийн Археологи, антропологийн 4 дүгээр түвшний оюутан М.Бат-Оргил, Хууль зүйн сургуулийн 3 дугаар түвшний оюутан Н.Чойжилсүрэн нар эхний байруудыг эзэлж, аяны онцлох оюутнууд боллоо.
