“Хөдөлмөрийн зах зээл” сэдэвт уулзалт ярилцлага
Мэргэжил сонгох/зарлах хугацаа ойртож байгаатай холбогдуулан мэргэжлээ хэрхэн сонгох, хөдөлмөрийн зах зээлийн эрэлт хэрэгцээ, ирээдүйн чиг хандлагыг ойлгох, улмаар МУИС-д заадаг мэргэжлүүдийн талаар илүү дэлгэрэнгүй ойлголтыг оюутнуудад өгөх зорилгоор үдийн цайны завсарлагын үеэр цуврал яриаг зохион байгуулах болсныг бид өмнө мэдээлсэн. Тус цуврал ярианы үеэр салбар салбартаа тодорхой амжилт гаргасан залуу мэргэжилтнүүдийг долоо хоног бүр урьж авчрах бөгөөд 2015 оны 4 дүгээр сарын 10-ны Баасан гарагт 12:30-13:30 цагийн хооронд “Чоно” групп, Америкт Төгсөгчдийн Холбоо, Удирдах зөвлөлийн гишүүн Г.Мөнхшүр, Mongolia Talent Network компани, Монголын Залуу Манлайлагч Хөтөлбөр Төгсөгчдийн Сүлжээний гишүүн Г.Төвшин, Breakthrough Communication компани, Зориг сангийн Зөвлөх Б. Амар нар зочноор оролцоно.
Хаана:МУИС-ийн хичээлийн II байр 3 давхарт “А заал”
