МУИС-ийн захирал Р.Бат-Эрдэнийн санаачилгаар Улс эх орныхоо хөгжил, дэвшил, ард түмний үнэт зүйлс, үндэсний бахархлын тогтолцоог төлөвшүүлэхэд МУИС-ийн эрдмийн хамт олон, оюутан суралцагсдын гүйцэтгэх үүрэг хариуцлагыг нэмэгдүүлэх, идэвхтэй оролцоо бүтээлч хандлагыг дэвжээн бэхжүүлэх зорилго дор “МУИС-ийн ИНДЭР” хөтөлбөрийн анхны уулзалт ярилцлагыг оюутнууд маань Оном сангийн тэргүүн, доктор Д.Наранбаатартай хийлээ.
“Эрүүл элэг” хөтөлбөрийнхөө хүрээнд шинжлэх ухааны сүүлийн үеийн ололтод түшиглэсэн яриа, танилцуулгыг хүргэсний зэрэгцээ өөрийн санаачилан ажиллаж буй 2020 он гэхэд Монголын нийт иргэдийн элэгний бүх төрлийн вирусийг усгах “Эрүүл элэг” хөтөлбөрийн судалгаа, шинжилгээний ажилд их сургуулийн багш, оюутнууд нэгдэх бүрэн бололцоотой хэмээжээ. Түүнчлэн МУИС-ийн нийт хамт олныг элэгний шинжилгээ оношилгоонд хамруулах ажлыг зохион байгуулахаар болсон байна.
