Мэргэжлээ хэрхэн сонгох вэ сэдэвт цуврал уулзалт ярилцлага оюутнуудын дунд долоо хоног бүрийн Лхагва, Баасан гарагуудад болж эхэллээ. Уулзалтад салбар салбартаа тодорхой амжилт гаргаж яваа МУИС болон гадаадын их дээд сургуулийн төгсөгчид хүрэлцэн ирж манай оюутнуудад хэрхэн мэргэжлээ сонгох, хэрхэн амжилт гарах вэ гэхчилэн өөрсдийн туршлагаас хуваалцаж зөвлөгөө өгнө. Анхны уулзалтад Математик, Хэрэглээний математик, Хими, Хэрэглээний хими, Математик, Багш математикийн хөтөлбөрөөр суралцах хүсэлтэй оюутнууд өргөнөөр оролцож сонирхсон асуултууддаа хариулт авсан юм. Энэ сарын 24-ний баасан гарагт 12:30-13:30 цагийн хооронд I байрны дугуй зааланд Физикийн хөтөлбөрөөр суралцах хүсэлтэй болон төгсөх курсийн оюутан залуус хамрагдах бөгөөд уулзалтад АНУ-д сурч, ажиллаж байгаа О.Ууганбаяр /Массачусетсийн Технологийн Институтийн (MIT) Цөмийн энергийн Докторант/-тай уулзаж ярилцана. Мөн дараа долоо хоногт 4 дүгээр сарын 29-нд Газарзүй хөтөлбөр сонирхож байгаа оюутнуудад Б.Алтангэрэл /“Ногоон титэм” байгаль орчны шинжилгээний лабораторийн захирал, Монголын байгаль орчны мэргэжилтнүүдийн холбооны зохицуулагч/, Байгаль орчныг зайнаас тандан судлал хөтөлбөрөөр С.Эрдэнэцогт, 5 дугаар сарын 1-нд Урлаг судлал хөтөлбөрөөр Б.Номинтуяа “Монголын Урлагийн Зөвлөл”-ийн Урлагийн хөтөлбөрийн захирал ирж уулзалт ярилцлага хийхээр төлөвлөж байна. Оюутан залуус та бүхнийг хүрэлцэн ирэхийг урья.
