МУИС-тай хамтын ажиллагааны гэрээтэй ХБНГУ-ын Халлегийн их сургуульд 2015-2016 оны хичээлийн жилийн зуны 3-аас 4-н сарын богино хугацааны бакалаврын оюутан солилцооны бүтэн тэтгэлэгт хөтөлбөрт Герман хэлний дундаас дээш түвшний мэдлэгтэй, МУИС-ийн 2 оюутныг журмын дагуу сонгон шалгаруулна.
Сонгон шалгаруулалт:
- МУИС-ийн бакалаврын 1,2,3-р түвшний оюутан байх
- Мэргэжил харгалзахгүй, багшийн мэргэжлээр суралцаж байгаа бол давуу тал болно.
- Тэтгэлэгт хамрагдах хүсэлт бичсэн өргөдөл
- Сурлагын дүнгийн тодорхойлолт
- Аль нэг улиралд герман хэл сонгон суралцсан байх
- ХБНГУ-д 3 сараас дээш хугацаагаар амьдарч байгаагүй
- Герман хэлний дундаас дээш түвшний мэдлэгтэй байх, сертификаттай бол сайн.
- Сурлагын голч дүн 2,8 буюу түүнээс дээш байх
Хэлний шалгалтыг Европын Холбоонд мөрдөгдөх олон хэлний стандартын “В2” түвшинд авна.
Материалыг 2015 оны 10 дугаар сарын 12-ний өдрөөс өмнө хичээлийн 1 дүгээр байрны 219 тоотод авчирна уу.
