“Оюутны хөгжлийн жил”-ийн ажлын хүрээнд Оюутны алба, ГХТ, ИБАСТ хамтран МУИС-ийн оюутнуудын гадаад хэлний мэдлэгийг дээшлүүлэх, зорилтот “Англи хэл сурах арга туршлагаас” сэдэвт лекцийг амжилттай зохион байгууллаа. Уг лекцээр Социологи-Нийгмийн ажлын тэнхимийн багш доктор А.Батхишиг, Антропологи-Археологийн тэнхимийн багш Ж.Лхагвадэмчиг нар оролцож өөрсдийн Англи хэл сурсан арга туршлагаа хуваалцан, гадаадын их дээд сургуулиудад хэрхэн амжилттай мастер, докторын зэрэг хамгаалах тухай үнэтэй мэдээлэл зөвлөгөөг оюутан залуустаа өглөө.
