Монгол Улсын Оюуны Өмчийн Газар – Дэлхийн Оюуны Өмчийн Байгууллагын хоорондын хамтын ажиллагааны хүрээнд “Монгол Улсад технологи, инновацийг дэмжих төвүүдийн сүлжээг байгуулах” хөтөлбөр 2015 оны 7 дугаар сараас эхлэн хэрэгжиж байна.
Дэлхийн оюуны өмчийн өдөр, Монгол Улсад Оюуны өмчийг хамгаалах өдрийг тохиолдуулан “TISC” хөтөлбөрийн 3 дахь удаагийн уулзалтыг 2016 оны 4 дүгээр сарын 20-ны өдрийн 15:00 цагт МУИС-ийн 1 дүгээр байрны 208 тоот өрөөнд зохион байгуулна. Уулзалтаар МУИС-ийн эрдэм шинжилгээ, инноваци ба ТДТ-ийн үйл ажиллагааны танилцуулга, TISC хөтөлбөртэй холбоотой мэдээлэл, ярилцлага хийнэ.
