Монгол улсад үйл ажиллагаа явуулдаг Хятадын 100% хөрөнгө оруулалттай “Zhong Xin Construction Group” компаниас МУИС-ийн Хятад судлалын ангид суралцаж буй 2,3,4-р ангийн оюутнууд болон Хятад судлалын хөтөлбөрт суралцаж буй магистрант, докторант нийт 7 хүнд тус бүр 4000 юаний тэтгэлэг олгоно.
Шалгуур үзүүлэлт:
- Бүтэн болон хагас өнчин суралцагчид
- Амьдралын боломж, нөхцөл багатай
- 45-аас доошгүй багц цаг цуглуулсан бакалаврын түвшний суралцагч, 9-өөс доошгүй багц цаг цуглуулсан магистр,докторын түвшний суралцагч
- Сурлагын голч үзүүлэлт 1,8 буюу түүнээс дээш
- Урьд өмнө тэтгэлэг авч байгаагүй
Бүрдүүлэх материал:
- Өргөдөл /Өрхийн ам бүлийн тоо, гэр бүлийн нийт орлого, амьдралын боломж нөхцөл ямар болох, цуглуулсан кредит, голч оноо, тус тэтгэлгийг авах болсон шаардлага зэргийг тодорхой бичнэ/
- Төрсний гэрчилгээ
- Бүтэн болон хагас өнчин болохыг нотлох лавлагаа /Иргэний Бүртгэл Мэдээллийн Төвөөс/
- Анкет-А1 /Хятад хэлний тэнхимээс авах/
Бүрдүүлсэн материалыг 2016 оны 10-р сарын 7-ныг дуустал Хичээлийн II байрны 403 тоот Ази судлалын тэнхим /Хятад судлал/ Сарнайцэцэгт өгнө үү.
ОЮУТНЫ АЛБА