МУИС-ийн Азийн судалгааны төв (ARC) 2017 онд судалгааны төсөл шалгаруулж санхүүжүүлнэ.
Зорилго: МУИС болон бусад их сургууль, шинжлэх ухааны байгууллагад ажилладаг a) эрдэмтдийн судалгааны баг, б) докторын дараах залуу судлаачийн ажлыг дэмжих, санхүүжүүлэх зорилгоор дараах чиглэлээр төсөл сонгон шалгаруулна:
- Монгол орны биологийн олон янз байдал ба биологийн нөөц
- Байгалийн нөөцөд тулгуурласан дэвшилтэт материалын судалгаа
- Эрчим хүчний дэвшилтэт технологийн судалгаа
- Хүрээлэн буй орчны судалгаа (Говийн бүсийг хамарсан судалгаа хийх нь давуу тал болно.)
- Байгалийн нөөцөд тулгуурласан бүсчилсэн хөгжлийн нийгэм-эдийн засгийн судалгаа (Говийн бүсийн судалгааг хийх нь давуу тал болно.)
- Цогц процессын загварчлал ба симуляц
- Компьютер, мэдээллийн шинжлэх ухаан, том өгөгдөл, криптографи
- Азийн бүс нутгийн улс төр судлал
- Түүхийн салбар дундын харьцуулсан судалгаа
Төслийн үргэлжлэх хугацаа: Хоёр жилээс хэтрэхгүй байна (2017.02.01-2018.12.31).
Төслийн санал хүлээн авах эцсийн хугацаа:
- Цахимаар: 2017 оны 01 дүгээр сарын 10-ны өдөр, 18 цаг. №206, ЭШИХ, МУИС-ийн 1-р байр. Төслийн саналын цахим хувилбарыг https://project.num.edu.mn системийн Захиалга цэсний Азийн судалгааны төв (Asia research center) судалгааны төсөл шалгаруулна II нэртэй захиалгад оруулна уу. Гадны хүмүүс бүртгүүлэхдээ Хэрэглэгчийн бүртгэл үүсгэх гэдэг дээр даран өөрийгөө бүртгүүлнэ (Хэрэглэгч бүртгүүлэх болон төсөл бүртгэх дэлгэрэнгүй зааврыг хавсралтаас үзнэ үү).
- Хэвлэмэлээр: Төслийн саналын хэвлэмэл хэлбэрийг МУИС-ийн 1-р байрны 206 тоот өрөөнд авчирч өгнө үү.
Төслийн гол шалгуур үзүүлэлт
- Шинжлэх ухааны ахисан түвшний судалгаа боловсруулалт байх,
- Аль болох салбар дамнасан, цогц шинжтэй ахисан түвшний судалгаа байх,
- Төслийн үр дүнг Journal Citation Reports-ийн индекстэй олон улсын мэргэжлийн сэтгүүл, хурлын эмхэтгэлд нийтлүүлэх боломжтой байх,
- Хамтарсан төсөл дэх магистрант, докторантын оролцоо, төслийг олон улсын болон гадны байгууллагатай хамтран гүйцэтгэж байгаа байдал,
- (МУИС-ийн дотоодод) Төслийн удирдагч, хамтран гүйцэтгэгчдийн МУИС-ийн санхүүжилттэй судалгааны төслийн гэрээний үүргээ биелүүлж ирсэн байдал
Хавсралт материалууд татаж авах:
- Төслий мэдүүлгийн маягтыг эндээс татаж авна уу
- CV-ний-маягт
- Системд төсөл бүртгүүлэх зааврыг эндээс татаж авна уу
Анхаарах зүйлс:
- Цахимаар болон хэвлэмэл хэлбэрээр аль алинаар төслөө өгөх.
- CV-г заасан маягтын дагуу ирүүлэх (форматын дагуу ирүүлээгүй бол сонгон шалгаруулалтад оруулахгүй!)
- Системд бүрэн гүйцэт бөглөөгүй дутуу бөглөсөн төслийг хүлээн авахгүй.
Холбоо барих:
Төсөлтэй холбоотой асуудлыг 1141, 99857713, arc@num.edu.mn
Системтэй холбоотой асуудлыг: 88074844, 88751973, project@num.edu.mn
ЭШИХ, №206 тоот, МУИС-ийн 1-р байр,
ЭРДЭМ ШИНЖИЛГЭЭ, ИННОВАЦИЙН ХЭЛТЭС
