Монгол Улсын их хурлаар 2016 оны IV сар, XII сард Боловсролын тухай болон Дээд боловсролын тухай хуулиудад нэмэлт өөрчлөлт оруулж шинэчлэн баталсан. Мөн МУИС-ийн 2016-2024 он хүртэлх хөгжлийн стратеги төлөвлөгөөг 2016 онд Удирдах зөвлөл хэлэлцэн баталсан. Иймээс “МУИС-ийн Дүрэм”-ийг Боловсролын тухай хууль, Дээд боловсролын тухай хууль, мөн МУИС-ийн стратеги төлөвлөгөөнд нийцүүлэн шинэчлэх шаардлага үүссэн.
Үүний дагуу МУИС-ийн захирлын 2017 оны 4 дүгээр сарын 28-ны өдрийн А/104 тоот тушаалаар байгуулагдсан ажлын хэсэг бүрэлдэхүүн, салбар сургуулиудаас санал авах ажлыг зохион байгуулж дүрмийн төслийг Захиргааны зөвлөлийн хурлаар хэлэлцүүлээд байна.
МУИС-ийн дүрмийн төслийг Эрдмийн зөвлөлийн хуралдаанаар 2017 оны 6 дугаар сарын 9-нд хэлэлцүүлэх гэж байна. Иймд та бүхэн МУИС-ийн дүрмийн төсөлд өгөх саналаа ажлын хэсэгт болон Эрдмийн зөвлөлийн гишүүдээрээ уламжлан ирүүлнэ үү!
Ажлын хэсэгт өгөх саналаа nyambayar47@num.edu.mn мэйл хаяг руу илгээнэ үү!
Захиргаа, хүний нөөцийн алба
[gview file=”https://news.num.edu.mn/wp-content/uploads/2017/06/New-charter-of-NUM-on-02-June.pdf”]
