Монгол Улс, Бүгд Найрамдах Хятад Ард Улсын Засгийн газар хоорондын Боловсролын солилцоо, хамтын ажиллагааны төлөвлөгөөний дагуу БНХАУ нь жил бүр тус улсын их, дээд сургуульд сурч буй Монгол Улсын 220 иргэнд БНХАУ-ын Засгийн газрын тэтгэлэг олгодог. Энэ дагуу БНХАУ-ын Засгийн газрын тэтгэлгээр 2012-2013 оны хичээлийн жилд 161 оюутан үргэлжлүүлэн суралцах тул шинээр 59 (5 бакалавр, 54 мэргэжил дээшлүүлэгч) тэтгэлэг олгоно. Мөн энэ хичээлийн жилд БНХАУ-ын Засгийн газраас 50 бакалавр оюутанд тэтгэлэг олгохоор шийдвэрлэсэн байна.
Тэтгэлэгт хамрагдах шаардлага хангасан Монгол Улсын иргэдийг сонгон шалгаруулалтад оролцохыг урьж байна.
Дэлгэрэнгүй мэдээллийг эндээс авна уу. www.mecs.gov.mn/article-899.mw
МУИС-ийн Бүрэлдэхүүн сургуулиуд тус бүр шаардлага хангасан 3-аас дээшгүй оюутны бүртгэлийг 3 сарын 2-ны дотор Оюутанд үйлчлэх төвд хүргүүлнэ үү.
Оюутанд үйлчлэх төв
2012 оны 2 дугаар сар 18
