МУИС-ийн оюутнуудын дунд зохион байгуулсан “Компьютерийн сүлжээний олимпиад” 2017 оны 12 дугаар сарын 8-ны өдөр өндөрлөлөө. Олимпиадад мэдээллийн технологийн салбарын мэргэжлээр суралцаж буй 40 оюутан онлайнаар бүртгүүлсэн бөгөөд бүртгүүлсэн оюутнуудыг “Өгөгдлийн холбоо” 2-р түвшин, “Kомпьютерын сүлжээний үндэс” 3-р түвшин, “Төхөөрөмжийн удирдлага” 4-р түвшин гэж гурван бүлэгт хувааж өрсөлдүүлсэн байна.
Эхний шатны шалгаруулалт:
Бүртгүүлсэн оюутнуудад цахим хаягаар долоо хоногийн хугацаатай бодлого илгээж seas.olympiad@mail.com хаягаар хүлээн авлаа.
Эхний шатны 40 оюутнуудаас хоёрдугаар шатанд бүлэг тус бүрээс 9 оюутан шалгарав.
Хоёрдугаар шатны шалгаруулалт:
Компьютерийн сүлжээний үндэс болон Төхөөрөмжийн удирдлага гэсэн хоёр бүлэгт тус бүр 2 pka буюу бодлого бэлдэж 180 мин хугацаатай авсан бол Өгөгдлийн холбоо бүлэгт 15 бодлого бэлдэж 40 мин хугацаатай авав.
Хоёрдугаар шатанд бүлэг тус бүрт 9 оюутан оролцсоноос:
Өгөгдлийн холбоо бүлгээс:
Тэргүүн байрыг Б.Болорсүх, Дэд байрыг Б.Хоролсүрэн нар
Компьютерийн сүлжээний үндэс бүлгээс:
Тэргүүн байрыг Л.Солонго, Дэд байрыг Д.Жаргалан нар
Төхөөрөмжийн удирдлага бүлэгээс:
Тэргүүн байрыг З.Цолмон, Дэд байрыг М.Мөнх-эрдэнэ нар тус тус эзэллээ.
Олимпиадад оролцсон, амжилт гаргасан нийт оюутнууддаа баяр хүргэж сурлагын өндөр амжилт хүсье.
Электроник, холбооны инженерчлэлийн тэнхим
