Өнөөдөр /2018.01.04/ МУИС-ийн захирал, доктор Я.Төмөрбаатар, МУИС-ийн Эрдэм шинжилгээ, инноваци, гадаад харилцаа хариуцсан дэд захирал Б.Очирхуяг, Ахисан түвшний сургуулийн бодлогын газрын дарга С.Должин нар Багшийн хөгжлийг дэмжих жилийн хүрээнд “МУИС-д суралцагчдад тэтгэлэг олгох нийтлэг журам”, “Докторын сургалтад суралцаж буй МУИС-ийн багшид тэтгэлэг олгох журам”-д заасан болзлыг хангаж тус тэтгэлгийн сонгон шалгаруулалтад тэнцсэн Докторын сургалтад суралцаж буй МУИС-ийн 12 багшид “МУИС-ийн нэрэмжит тэтгэлэг”-ийн батламжийг гардуулав.
Тус үйл ажиллагааны үеэр МУИС-ийн захирал, доктор Я.Төмөрбаатар тэтгэлэг гардан авсан багш нарт хандан хэлсэн үгэндээ “МУИС энэ жилийг багшийн хөгжлийг дэмжих жил болгон зарласан. Үүний хүрээнд МУИС-ийн багш нарыг эрдмийн зэрэг хамгаалахад бодлогын дэмжлэг үзүүлнэ. МУИС-ийн стратеги төлөвлөгөөнд эрдмийн зэрэгтэй багш нарын хувийг 60 хувьд хүргэх зорилт дэвшүүлснийг” тэмдэглээд судалгааны ажилд нь амжилт хүссэн юм.
Тэтгэлэг хүртсэн багш нарын нэрс
Шинжлэх ухааны сургууль
- Д.Нямдорж
Бизнесийн сургууль
- Н.Баянтөр
- Ч.Батбаатар
- Н.Саруултөгс
- М.Эрдэнэбат
- Д.Нарандалай
- Б.Угтахжаргал
Олон улсын харилцаа, нийтийн удирдлагын сургууль
- Д.Оюунсүрэн
Хэрэглээний шинжлэх ухаан, инженерчлэлийн сургууль
- А.Дэлгэржаргал
- Ө.Батбаяр
- Д.Номин-Эрдэнэ
- Б.Батням
