Монгол Улсын Их Сургуулийн Байгалийн ухааны салбарын Химийн тэнхимээс оюутан залуус, сурагчдийг химийн шинжлэх ухаанд дурлуулах, химийн шинжлэх ухааны үнэ цэнэ, химич мэргэжил эзэмшихийн давуу тал, химийн шинжлэх ухааны амьдрал дахь хэрэглээг олон нийтэд сурталчилан таниулах зорилго бүхий “Химийг хэн сайн мэдэх вэ?” тэмцээнийг анх удаа зохион байгуулах гэж байна.
Тэмцээнд МУИС-аас 2, Шинэ Монгол технологийн дээд сургууль (ШМТДС), Монгол-Германы Хамтарсан Ашигт Малтмал, Технологийн Их Сургууль (МГТИС)-аас тус бүр 1, нийт 4 баг оролцоно.
Тэмцээний үеэр багууд мэндчилгээ, гэрийн даалгаврын бүтээл (индикаторын цаас бүтээх)-ээ танилцуулах, сонирхолтой асуулт хариулт, асуудал шийдвэрлэх зэрэг даалгавраар оюун ухаанаа сорихоор бэлтгэж байна.
Тэмцээн 2018 оны 1 дүгээр сарын 20-ны өдөр МУИС-ийн Номын сангийн 302 тоот танхимд 10:00 цагаас явагдах тул сонирхсон эрдэмтэн багш нар, оюутан залуус та бүхэн хүрэлцэн ирж бидэнтэй хамт химийн шинжлэх ухааны сонирхолтой ертөнцөөр аялаарай.
Тэмцээнийг зохион байгуулах комисс
Химийн тэнхим
