МУИС-ийн захирал, доктор Я.Төмөрбаатар Монгол Улсад Биеийн тамирын тэнхим үүсэн байгуулагдсаны 70 жилийн ойд зориулан зохион байгуулсан МУИС-ийн багш, ажилтнуудын спортын бага наадамд амжилттай оролцсон Захиргаа, аж ахуйн баг тамирчдыг хүлээн авч уулзав.
Захиргаа, аж ахуйн баг Сагсан бөмбөгийн төрөлд эрэгтэй баг алтан медаль /Ж.Сэдэд ахлагчтай/, Гар бөмбөгийн төрөлд эрэгтэй баг хүрэл медаль /Э.Сүх-Эрдэнэ ахлагчтай/, Дартсын төрөлд Д.Батдэлгэр алтан медаль, Л.Чинзориг хүрэл медаль, Ширээний теннисний төрөлд Ж.Мөнхжаргал алтан медаль хүртэж багийн нийлбэр дүнгээр 3 дугаар байранд шалгарсан юм.
Багийн гишүүд уулзалтын эхэнд Захиргаа аж, ахуйн багийн ахлагч Я.Төмөрбаатарт тэмцээний өргөмжлөл, медалийг гардуулан өгөв.
Түүнчлэн спортын бага наадмын үеэр багийн гишүүн бэртэл авсанд харамсч буйгаа МУИС-ийн захирал Я.Төмөрбаатар илэрхийлээд холбогдох хууль, тогтоомж, МУИС-ийн хөдөлмөрийн дотоод журам зэргийг үндэслэн тэтгэмж олгохоо хэлсэн юм.
