МУИС-ийн ШУС-ийн ХУС-ЫН ГАДААД ХЭЛНИЙ ХӨТӨЛБӨРИЙН МАГИСТРАНТ, ДОКТОРАНТУУДЫН ЭРДЭМ ШИНЖИЛГЭЭНИЙ ХУРАЛ
“Гадаад хэл шинжлэл”, “Гадаад хэлний орчуулга”, “Гадаад хэлний боловсрол”, “Олон улс-орон судлал” хөтөлбөрийн магистрант, докторант та бүхнийг ШУС-ийн ХУС-аас зохион байгуулж буй эрдэм шинжилгээний хуралд урьж байна. Эрдэм шинжилгээний хурал 2018 оны 3 дугаар сарын 29-ний Пүрэв гарагийн 14:30 цагт Хичээлийн II байрын 439 тоот өрөөнд болно.
Хуралд оролцох хүсэлт, эрдэм шинжилгээний илтгэлээ цахим болон хэвлэмэл байдлаар 2018 оны 3 дугаар сарын 26-ныг хүртэлх хугацаанд багтаан enjee2011@num.edu.mn хаягаар болон хичээлийн II байр 431 тоотод ирүүлнэ үү. Хугацаа хоцорсон илтгэлийг хүлээж авахгүй болохыг мэдэгдье.
Илтгэлд тавигдах шаардлага:
- Илтгэлийн сэдэв нь хэл шинжлэл, орчуулга, боловсрол судлал, олон улс-орон судлалын чиглэлийг хамарсан байх;
- Хэлэлцүүлж буй илтгэл нь шинжлэх ухааны аргазүйгээр хийсэн, олон талын үзэл баримтлал, байр суурийг харьцуулан анализ хийж, дүгнэлт гаргасан байх;
- Судалгаандаа шинэлэг арга зүйг баримталсан байх;
- Илтгэгчийн нэр, хаяг, холбоо барих утас, удирдагчийн зэрэг, цолыг тодорхой бичиж ирүүлэх
Илтгэлд тавигдах техник шаардлага:
- А4 цаасан дээр 7-10 хуудас бүхий,
- Үсгийн фонд Тimes New Roman, Үсгийн хэмжээ (Size) 12, мөр хоорондын зай (Line Space) 1.5,
- Мэдээллийн эх сурвалж, ашигласан ном, материалын жагсаалт, ишлэл зүүлт бүхий,
- Тодорхой тооны хүснэгт, график, slide show бүхий байх.
Жич:
- МУИС-ийн холбогдох журмын дагуу эрдэм шинжилгээний багц цаг тооцно.
МУИС-ийн ШУС-ийн ХУС-ын Салбар дундын хөтөлбөрийн хороо
